દ્વારકા તા. ર૩: સને ૧૯૬પમાં પાકિસ્‍તાન દ્વારા વામન જયંતિના દિવસે દ્વારકાના જગતમંદિર ઉપર રાત્રીના સમયે મેલી મુરાદથી દરીયાઇ માર્ગે ૧પ૬ જેટલાં બોમ્‍બથી ભીષણ બોંબમારો કરવામાં આવેલ. પરંતુ સુદર્શન ચક્રધારી જગતપાલક શ્રી દ્વારકાધીશજીએ મંદિર તેમજ સમગ્ર નગરીનું રક્ષણ કરી સમગ્ર નગરીને બચાવતા એક પણ બોમ્‍બે દ્વારકામાં ન પડતાં શહેરથી દૂર પડેલ. ત્‍યારથી ભગવાનનો આભાર માનતાં આ શુભદિનને વિરાટ વિજય દિવસ તરીકે ઉજવવામાં આવે છે.