(પ્રવીણ વ્યાસ દ્વારા)  મોરબી: મોરબી જિલ્લામાં સવારથી ધોધમાર વરસાદ વરસી રહ્યો છે. બપોરે ૨ થી ૪ વાગ્યા સુધીના બે કલાકના સમયગાળામાં મોરબીમાં વધુ ૩ ઇંચ (૭૭ મીમી) વરસાદ નોંધાયો છે. આ સમય દરમિયાન માળિયામાં ૧૦ મીમી, ટંકારામાં ૬૩ મીમી (અઢી ઇંચ), વાંકાનેરમાં ૨૧ મીમી અને હળવદમાં ૩૫ મીમી વરસાદ વરસ્યો છે.

સવારે ૬:૦૦ થી સાંજે ૪:૦૦ વાગ્યા સુધીના વરસાદના આંકડા જોઈએ તો, મોરબી તાલુકામાં સૌથી વધુ ૨૧૧ મીમી (૮.૩ ઇંચ), ટંકારામાં ૧૭૧ મીમી (૬.૭ ઇંચ), હળવદમાં ૧૬૦ મીમી (૬.૩ ઇંચ), માળિયામાં ૧૧૭ મીમી અને વાંકાનેરમાં ૭૦ મીમી વરસાદ નોંધાયો છે. જિલ્લામાં હજુ પણ સતત વરસાદ વરસી રહ્યો છે. ઉપરવાસમાં ભારે વરસાદ અને ડેમના દરવાજા ખોલવામાં આવતાં મચ્છુ નદી બે કાંઠે વહી રહી છે.