ભાવનગરના ગુંદી ગામે પોલીસ પર થયેલા હુમલાના કેસમાં ઘોઘા પોલીસે 10 શખ્સો સામે ગુનો નોંધી કડક કાર્યવાહી હાથ ધરી છે. આ ઘટના બાદ ગામમાં ચુસ્ત પોલીસ બંદોબસ્ત સાથે 'કોર્ડન એન્ડ સર્ચ ઓપરેશન' હાથ ધરવામાં આવ્યું હતું, જેમાં ડ્રોન અને બોડી વોર્ન કેમેરાની મદદથી ઝીણવટભર્યું ચેકિંગ કરાયું હતું. હાલ પોલીસે આ મામલે 20 શખ્સોને ડિટેઇન કરી કાયદેસરની તપાસ શરૂ કરી છે, જેનાથી હુમલાખોરોમાં ભારે ફફડાટ વ્યાપી ગયો છે.