( પ્રવિણ વ્યાસ દ્વારા ) મોરબીના સિરામિક અને અન્ય ઉદ્યોગો માટે માલ પરિવહન વધુ સરળ અને સુદ્રઢ બનાવવાના હેતુથી એક મહત્વપૂર્ણ કદમ ઉઠાવવામાં આવ્યું છે. કોનકોર (CONCOR) દ્વારા મોરબીના રફાળેશ્વર (GCT) થી મુંબઈના તુર્ભે (Turbhe) સુધી કન્ટેનરાઈઝ્ડ કાર્ગો મૂવમેન્ટ (માલગાડી સેવા) શરૂ કરવામાં આવી છે. આ નવી સેવા મોરબીના ઉદ્યોગકારો માટે બિઝનેસના નવા દ્વાર ખોલશે.
આ નવી રેલ સેવાથી મોરબીથી મુંબઈ સુધી માલસામાન મોકલવો હવે વધુ વિશ્વસનીય, સમયસર અને પર્યાવરણને અનુકૂળ બનશે. આ સુવિધા રોડ ટ્રાન્સપોર્ટનો એક શ્રેષ્ઠ વિકલ્પ પૂરો પાડશે જે આર્થિક રીતે પણ ફાયદાકારક રહેશે. આ પ્રોજેક્ટ કોનકોર અને તેમના બિઝનેસ એસોસિએટ મેસર્સ TCI કોનકોર દ્વારા સંયુક્ત રીતે ચલાવવામાં આવશે, જે ખાસ કરીને સિરામિક ટાઇલ્સ અને અન્ય માલસામાનના ઉત્પાદકો માટે અત્યંત ઉપયોગી સાબિત થશે.
વેપારમાં સરળતા અને કનેક્ટિવિટી વધશે આ નવી tren કસન્ટેનર સેવા પીએમ ગતિશક્તિ પોલિસી અને ભારતના મલ્ટીમોડલ લોજિસ્ટિક્સ પુશના ઉદ્દેશ્યોને અનુરૂપ શરૂ કરવામાં આવી છે. તેનાથી પોર્ટ અને અંતરિયાળ વિસ્તારો વચ્ચે કનેક્ટિવિટી મજબૂત થશે અને વેપારમાં સરળતા વધશે. આ સુરક્ષિત અને સમયબદ્ધ સેવા મોરબીના વેપારને નવી ઊંચાઈઓ પર લઈ જવામાં મદદરૂપ થશે