ગીર સોમનાથ જિલ્લાના ગીર જંગલના ઉપરવાસમાં સર્જાયેલા ભારે વરસાદી માહોલને પગલે રાવલ ડેમમાં પાણીની પુષ્કળ આવક થતા ડેમની જળ સપાટીમાં વધારો થયો છે, જેને ધ્યાનમાં રાખીને તંત્ર દ્વારા ડેમના તમામ 6 દરવાજા 5 ફૂટ સુધી ખોલી દેવામાં આવ્યા છે. ડેમમાંથી પાણી છોડવામાં આવતા રાવલ નદીના પટમાં અવરજવર ન કરવા માટે સ્થાનિકોને કડક સૂચના આપવામાં આવી છે, સાથે જ સંભવિત પૂરની સ્થિતિને જોતા ગીર ગઢડાના 7 અને ઉનાના 11 ગામોના રહીશોને સાવચેત રહેવા માટે એલર્ટ કરવામાં આવ્યા છે.