ભાવનગર જિલ્લાના જેસર તાલુકામાં આફતરૂપી ભારે વરસાદ વરસ્યો છે, જેના કારણે મોટા પાયે નુકસાનના અહેવાલો સામે આવ્યા છે. જેસર પંથકમાં પડેલા મુસળધાર વરસાદને લીધે કુલ ૩ મકાનોની દીવાલો ધરાશાયી થઈ ગઈ છે. જેમાં તાતણીયા ગામે બે મકાનોને ભારે નુકસાન પહોંચ્યું છે, જ્યારે બીલા ગામે પણ એક મકાન ધરાશાયી થયું છે. આ અકસ્માતોમાં સદનસીબે કોઈ જાનહાનિ થઈ નથી અને મોટી દુર્ઘટના ટળી છે, પરંતુ ઘરવખરીને ભારે નુકસાન થવાના કારણે અસરગ્રસ્ત પરિવારો મોટી મુશ્કેલીમાં મુકાયા છે. પરિસ્થિતિને જોતા તંત્ર દ્વારા સ્થાનિક લોકોને સાવચેતી રાખવા અપીલ કરવામાં આવી છે.