મોટી પાનેલીઃ સૌરાષ્‍ટ્રમાં ચોમાસાએ જોર પકડ્‍યું છે. અનેક જગ્‍યાએ ગાજવીજ સાથે ભારે થી અતિ ભારે વરસાદ પડતા નીચાણવાળા વિસ્‍તારોમાં પાણી ભરાયા છે. અમરેલી જિલ્લાના સાવરકુંડલાના વાશિયાળી ગામે માત્ર સવા કલાકમાં જ ૫ થી ૬ ઈંચ વરસાદ નોંધાયો હતો.  તેમ વાંશીયાળીના વજુભાઇ બારૈયાએ જણાવ્‍યું છે. ભારે વરસાદના કારણે ગામનો ડેમ ઓવરફ્‌લો થયો છે. ખેતરોમાં પણ પાણી ભરાઈ જતા ખેડૂતોની ચિંતા વધી છે.બોટાદ - ગઢડા, ઢસા જંક્‍શનમાટે ધોધમાર વરસાદ પડતા અંદાજે ૪ થી ૫ ઈંચ વરસાદ નોંધાયો.લાઠીમા ભયંકર વરસાદ પડ્‍યો  છે.જામનગરના ધ્રોલ વિસ્‍તારમાં સિઝનનો પહેલો વરસાદ નોંધાયો છે. (તસ્‍વીર-અહેવાલ : ચંદ્રેશ હિરાણી-મોટી પાનેલી)