સોમનાથના દરિયાકિનારે એક મહિલાએ પોતાની 12 વર્ષની પુત્રી સાથે આત્મહત્યાનો પ્રયાસ કરતા ચકચાર મચી ગઈ હતી. VIP પાર્કિંગ તરફથી દરિયામાં ઉતરેલી વેરાવળની આ મહિલાને ફરજ પરના હોમગાર્ડ અને પોલીસે સમયસર જોઈ લેતા તેમનો જીવ બચાવી લેવાયો હતો. બંનેને તાત્કાલિક 108 એમ્બ્યુલન્સ દ્વારા પ્રભાસપાટણની હોસ્પિટલમાં સારવાર માટે ખસેડવામાં આવ્યા છે. હાલ આ ઘટના પાછળનું કારણ જાણવા પોલીસે વધુ તપાસ હાથ ધરી છે.

• એક મહિલા અને તેની પુત્રી કૌટુંબિક પ્રશ્નો કે અન્ય કારણોસર જીવન ટૂંકાવવાના ઈરાદે દરિયાના ઊંડા પાણી તરફ આગળ વધી રહ્યા હતા.
•  કિનારે તૈનાત હોમગાર્ડ જવાનો અને ટાઉન બીચ પોલીસ સ્ટેશનના પોલીસકર્મીઓએ તાત્કાલિક દરિયામાં કૂદીને બંનેને સુરક્ષિત બહાર કાઢ્યા હતા.
•  બચાવ્યા બાદ બંનેને હોસ્પિટલ ખસેડવામાં આવ્યા હતા અને જરૂરી કાઉન્સેલિંગ માટે તેમના પરિવારનો સંપર્ક કરવામાં આવ્યો હતો