બોટાદ તા.૨ : બોટાદ સર્કિટ હાઉસ ખાતે વિજેતા સભ્યોનો જમાવડો યોજાયો હતો. બેઠકમાં પ્રમુખ પદ માટે જ્ઞાતિગત અને રોટેશન સમીકરણો પર વિસ્તૃત મંથન કરવામાં આવ્યું હતું.

ભાજપના પદાધિકારીઓ અને વિજેતા સભ્યોની ઉપસ્થિતિમાં યોજાયેલી આ બેઠકમાં સ્થાનિક રાજકીય સમીકરણોને ધ્યાને લઈ પ્રમુખ પદની પસંદગી અંગે ચર્ચા થઈ હતી. પ્રમુખ પદ માટે વિવિધ જ્ઞાતિના દાવેદારો અને રોટેશન પદ્ધતિ મુજબ નામો પર વિચારણા કરવામાં આવી હતી.

સૂત્રોના જણાવ્યા મુજબ પાર્ટી દ્વારા સામાજિક સંતુલન અને સ્થાનિક સમીકરણોને ધ્યાનમાં રાખી નિર્ણય લેવામાં આવશે. પ્રમુખ પદની જાહેરાતને લઈ રાજકીય વર્તુળોમાં ઉત્સુકતા જોવા મળી રહી છે. બેઠકમાં ભાજપના ખેસ પહેરેલા નેતાઓ સાથે વિજેતા સભ્યો પણ હાજર રહ્યા હતા. આગામી દિવસોમાં પ્રમુખ પદ અંગે સત્તાવાર જાહેરાત થવાની શક્યતા છે.