(વિનુ જોશી દ્વારા)જુનાગઢ તા.૨૯ : 

        સત્યમ સેવા યુવક મંડળ સંચાલિત મહિલા આશ્રય સ્થાન ,સુખના ચોક ખાતે આજ તા.૨૮/૭/૨૬ ના રોજ મહાનગરપાલિકા કમિશનર  પ્રભવ જોશી આવ્યા હતા આ તકે આસિસ્ટન્ટ  કમિશનર  જયેશભાઈ વાજા, ગીરાબેન જોષી,  નિશાબેન ધાંધલ, જયશ્રીબેન ગોહિલ, વગેરે ખાસ ઉપસ્થિત રહ્યા હતા.

      મહિલા આશ્રય સ્થાનના લાભાર્થી બહેનો દ્વારા ગૃહ ઉદ્યોગમાં રાખડી, તોરણ, પગલુછણીયા, બનાવવા તેમજ આ  મંડળ દ્વારા સિવિલ હોસ્પિટલ ખાતે ચાલતી દરિદ્રનારાયણ ભોજન સેવાયજ્ઞ માં હોસ્પિટલના દર્દીઓના સગા સંબંધીઓ માટે દરરોજ ભોજન અર્થે આ બહેનો દ્વારા ૧૫૦ જેટલી રોટલી બનાવવા માં આવે છે .તેમજ વિવિધ પ્રવૃત્તિઓ કરી આ બહેનો મહેનતાણું પણ મેળવી રહી છે .

         આ સેવાકીય પ્રવૃત્તિને બિરદાવતા જુનાગઢ કમિશનર  પ્રભવ જોષી દ્વારા સત્યમ સેવા યુવક મંડળ ટ્રસ્ટ દ્વારા ચાલતા વિવિધ સેવાકીય કાર્યો કરતા સંસ્થા ના પ્રમુખ  મનસુખભાઈ વાજા ની પ્રવૃત્તિને વિશેષ બિરદાવવામાં આવી હતી.(તસવીર:મુકેશ વાધેલા-જુનાગઢ)