ગીરની શાન અને ફળોના રાજા તરીકે વિશ્વભરમાં જાણીતી કેસર કેરીની સિઝનનો આજે ગીર સોમનાથના તાલાલા APMC યાર્ડ ખાતે વિધિવત પ્રારંભ થયો છે. આજે 19 એપ્રિલથી શરૂ થયેલી હરાજીના પ્રથમ દિવસે જ યાર્ડ કેસર કેરીની સુગંધથી મહેકી ઉઠ્યું હતું. હરાજીના પહેલા દિવસે કેરીની સારી આવક સાથે ભાવ પણ પ્રોત્સાહક મળતા ખેડૂતો અને વેપારીઓમાં ભારે ઉત્સાહ જોવા મળ્યો હતો. ગત વર્ષની સરખામણીએ આ વર્ષે સિઝન વહેલી શરૂ થઈ છે, જેનાથી ફળ રસિકોને પણ વહેલી કેરીનો સ્વાદ માણવા મળશે. વહીવટી તંત્ર દ્વારા હરાજી પ્રક્રિયા સુચારૂ રીતે ચાલે તે માટે તમામ વ્યવસ્થાઓ કરવામાં આવી છે.