(મુકુંદ બદિયાણી દ્વારા)જામનગર તા.૩ :  શહેરના ખોડિયાર કોલોની વિસ્તારમાં બાળકીના અપહરણના પ્રયાસની ચોંકાવનારી ઘટના સામે આવી છે.

શક્તિનગર વિસ્તારમાં એક અજાણી મહિલાએ રંગોળી બનાવવાના બહાને બાળકીને પોતાની તરફ આકર્ષી લલચાવવાનો પ્રયાસ કર્યો હતો. જોકે, આ દરમિયાન પાડોશીની શંકાસ્પદ મહિલા પર નજર પડતાં જ મહિલા સ્થળ પરથી ફરાર થઈ ગઈ હતી.

આ બનાવને પગલે સમગ્ર વિસ્તારમાં ચકચાર મચી ગઈ છે અને વાલીઓમાં ભારે ચિંતા જોવા મળી રહી છે. ઘટનાની જાણ પોલીસને કરવામાં આવતા પોલીસે તપાસ હાથ ધરી છે.

મહત્વનું છે કે બાળકી સાથે બનેલી સમગ્ર ઘટના નજીકમાં લગાવેલા CCTV કેમેરામાં કેદ થઈ ગઈ છે. જેના આધારે પોલીસ શંકાસ્પદ મહિલાની ઓળખ મેળવવાનો પ્રયાસ કરી રહી છે.(તસવીર/વિડીયો: કિંજલ કારસરીયા, જામનગર)