( મુકુંદ બદિયાણી દ્વારા) જામનગર : જામનગર જિલ્લાના કાલાવડ તાલુકાના ગ્રામ્ય વિસ્તારમાં દીપડાની હાજરી જોવા મળતાં સ્થાનિક ખેડૂતો અને ગ્રામજનોમાં ભયનો માહોલ ફેલાયો છે. કાલાવડ તાલુકાના માછરડા અને નવાગામ વચ્ચે આવેલા વાડી વિસ્તારમાં એક દીપડો લટાર મારતો નજરે પડ્યો હતો.

વિગતો મુજબ, માછરડા અને નવાગામની સીમ વિસ્તારમાંથી પસાર થઈ રહેલા એક રાહદારીની નજર વાડીમાં આંટાફેરા કરી રહેલા દીપડા પર પડી હતી. રાહદારીએ તુરંત પોતાના મોબાઈલ કેમેરામાં દીપડાની આ હિલચાલનો વિડિયો કેદ કરી લીધો હતો. આ વિડિયો સોશિયલ મીડિયા સહિત પંથકમાં વાયરલ થતાં આસપાસના સીમ વિસ્તારમાં ખેતીકામ કરતા ખેડૂતો અને ખેતમજૂરોમાં ભારે ફફડાટ વ્યાપી ગયો છે (વિડીયો તસવીર : કિંજલ કારસરીયા, જામનગર)