ખંભાળિયા શહેરમાં રખડતા પશુના કારણે વધુ એક અકસ્માત સર્જાયો.  PGVCL કચેરી સામે ખાતર ભરેલી રિક્ષા સામે અચાનક પશુ આવી જતા  ચાલકે સ્ટિયરિંગ પરથી કાબૂ ગમાવ્યો અને અકસ્માત સર્જાયો હતો 

   જો કે ચાલકની સમયસૂચકતા અને સાવચેતીના કારણે પશુનો જીવ બચી ગયો. અકસ્માતમાં રિક્ષાને નુકસાન પહોંચ્યું, સાથે રોડ પરની લોખંડની જાળીવાળા ડિવાઈડરને પણ નુકસાન થયું હતું  . સદનસીબે ઘટનામાં કોઈ જાનહાનિ થઈ નથી, રિક્ષા ચાલક પણ સલામત છે. શહેરમાં વધતા રખડતા પશુઓના ત્રાસ સામે પાલિકા તંત્રની કામગીરી અંગે ફરી પ્રશ્નો ઉઠ્યા છે.