જામનગરઃ વિક્‍ટોરિયા પુલ નજીક બજરંગ પાન પાસે બે દિવસ પૂર્વે થયેલી મારામારીના કેસમાં સીટી બી પોલીસની કાર્યવાહી થતા પોલીસે આરોપીઓને ઘટનાસ્‍થળે લઈ જઈ રી-કન્‍સ્‍ટ્રક્‍શન કરાવ્‍યું હતું. મારામારી કઈ રીતે અને કયા સંજોગોમાં થઈ તેની સમગ્ર ઘટનાક્રમની તપાસ કરી પોલીસ દ્વારા આરોપીઓ પાસેથી ઘટનાની વિગતો મેળવવામાં આવી હતી, જો કે, રી-કન્‍સ્‍ટ્રક્‍શન દરમિયાન ચુસ્‍ત બંદોબસ્‍ત રાખવામાં આવ્‍યો હતો. સમગ્ર મામલે સીટી બી પોલીસ દ્વારા આગળની તપાસ હાથ ધરાઈ છે.