અમદાવાદ તા.૪ : જેતપરમાં થયેલા વિરોધ પ્રદર્શન મામલે સામે આવેલી ઓડિયો ક્લિપને લઈને રાજકારણમાં નવો વળાંક આવ્યો છે. નિલેશ એરવાડિયાએ હકાભા ગઢવી પર કરેલા આક્ષેપો બાદ હકાભા ગઢવીએ પલટવાર કરતા કહ્યું કે *"ઓડિયો ક્લિપની FSL માં તપાસ કરાવો, સત્ય બહાર આવી જશે"*.

હકાભા ગઢવીએ ઓડિયો ક્લિપને બનાવટી અને ષડયંત્રનો ભાગ ગણાવી છે. તેમણે કહ્યું કે આ પ્રકારની ક્લિપો બનાવીને લોકોની છબી ખરાબ કરવાનો પ્રયાસ કરવામાં આવી રહ્યો છે. જો નિલેશ એરવાડિયાને પોતાના આક્ષેપો પર વિશ્વાસ હોય તો તેઓ તાત્કાલિક આ ક્લિપને ફોરેન્સિક સાયન્સ લેબોરેટરી - FSL માં મોકલીને તપાસ કરાવે.

કાયદાકીય પ્રક્રિયા શું કહે છે?

કાયદાની દ્રષ્ટિએ ઓડિયો જેવા ઈલેક્ટ્રોનિક પુરાવાની પ્રામાણિકતા FSL રિપોર્ટથી નક્કી થાય છે. ગુજરાત હાઈકોર્ટ પણ અગાઉ સ્પષ્ટ કરી ચૂક્યું છે કે કોર્ટમાં રજૂ કરતી વખતે ઓડિયો ક્લિપનું વેરિફિકેશન જરૂરી નથી, પરંતુ બાદમાં તેની તપાસ થઈ શકે છે. FSL માં વોઈસ સેમ્પલ મેચ કરીને ક્લિપ સાથે ચેડા થયા છે કે કેમ તેની પણ તપાસ થાય છે

મામલો શું છે?

જેતપુર ખેડૂત આંદોલન દરમિયાન સામે આવેલી ઓડિયો ક્લિપને આધારે નિલેશ એરવાડિયાએ હકાભા ગઢવી પર ગંભીર આરોપો લગાવ્યા હતા. જેના જવાબમાં હકાભાએ આને રાજકીય કાવતરું ગણાવીને FSL તપાસની માંગ કરી છે.હાલ આ મામલે રાજકીય ગરમાવો વધ્યો છે અને હવે તમામની નજર એ વાત પર છે કે ઓડિયો ક્લિપની FSL તપાસ થાય છે કે કેમ.