તા. ૧૨ નવેમ્બર ર૦ર૬ વિક્રમ સંવત ર૦૮૩ કારતક સુદ – ૩ ગુરૂવાર
વિસાસત ભી, વિકાસ ભી-ને સાકાર કરતુ પોરબંદર રેલવે સ્ટેશન
દેશના ર૦ રાજયોમાં ૭પ પુનઃ વિકસીત રેલવે સ્ટેશનોના ઇ-લોકાર્પણમાં પોરબંદર રેલ્વે સ્ટેશનનો સમાવેશ : વડાપ્રધાન નરેન્દ્રભાઇ મોદીના હસ્તે ઇ-લોકાર્પણ થયેલ અમૃત ભારત સ્ટેશન યોજના હેઠળ પુનઃ વિકસીત પોરબંદર રેલવે સ્ટેશનની ૩પ વર્ષની વિકાસ સફરના સંસ્મરણો વાગોળતા અર્જુનભાઇ મોઢવાડીયાઃ રેલવે પરિવર્તનને બીરદાવ્યું : પુનઃ વિકસીત પોરબંદર રેલવે સ્ટેશન રાષ્ટ્ર માટેનું ગૌરવ : ભાવનગર રેલવે ડીવીઝનના ડીઆરએમ દિનેશભાઇ વર્મા
(પરેશ પારેખ દ્વારા) પોરબંદર, તા., ૧૮ : વડાપ્રધાન નરેન્દ્રભાઈ મોદીના હસ્તે અમળત ભારત સ્ટેશન યોજના હેઠળ પુનઃવિકસિત પોરબંદર રેલવે સ્ટેશનનું ઇ-લોકાર્પણ કરવામાં આવ્યું હતું. પોરબંદર રેલવે સ્ટેશન ખાતે યોજાયેલા કાર્યક્રમમાં વન અને પર્યાવરણ મંત્રી અર્જુનભાઈ મોઢવાડીયા રહ્યા ઉપસ્થિત રહીને પોતાના ૩૫ વર્ષના રેલવે સફરના સંસ્મરણો વાગોળી રેલવે પરિવર્તનને બિરદાવ્યું હતું. તેમણે પોરબંદર રેલવે સ્ટેશનને વિરાસત ભી, વિકાસ ભી-ની ભાવનાને સાકાર કરતું પુનઃ વિકસિત રેલવે સ્ટેશન
વડાપ્રધાન નરેન્દ્રભાઈ મોદીએ પંજાબના જલંધરથી અમળત ભારત સ્ટેશન યોજના અંતર્ગત દેશના ૨૦ રાજ્યોમાં આવેલા ૭૫ પુનર્વિકસિત રેલવે સ્ટેશનોનું ઇ-લોકાર્પણ કર્યું હતું. આશરે રૂ.૧,૫૭૦ કરોડના ખર્ચે આધુનિક સુવિધાઓથી સજ્જ બનેલા આ સ્ટેશનો વિશ્વના સૌથી મોટા સ્ટેશન પુનર્વિકાસ કાર્યક્રમોમાં એક મહત્વપૂર્ણ સીમાચિﾎરૂપ બન્યા છે. આ યાદીમાં પોરબંદર રેલવે સ્ટેશનનો સમાવેશ થયો છે.
પોરબંદર રેલવે સ્ટેશન ખાતે યોજાયેલા કાર્યક્રમમાં રાજ્યના વન અને પર્યાવરણ મંત્રી અર્જુનભાઈ મોઢવાડીયા ઉપસ્થિત રહીને જણાવ્યું હતું કે, કરોડોના ખર્ચે રેલવે સ્ટેશન અને ટર્મિનલ બિલ્ડિંગમાં આધુનિક સુધારા-વધારા કરવામાં આવ્યા છે. તેમણે દેશની રેલવે ણાલીમાં આવેલા વ્યાપક પરિવર્તનનો શ્રેય વડાપ્રધાનશ્રીના વિઝનરી નેતળત્વને આપતાં ઉમેર્યું હતું કે, સરકાર દ્વારા તમામ ટ્રેનોની સ્પીડમાં ૧૦ ટકા જેટલો વધારો કરવામાં આવ્યો છે, દેશમાં અત્યાધુનિક વંદે ભારત ટ્રેનો શરૂ કરાઈ છે અને રેલવેના જૂના ડબ્બાઓના સ્થાને વર્લ્ડ ક્લાસ આધુનિક એલએલબી ડબ્બાઓ કાર્યરત કરવામાં આવ્યા છે.
મંત્રી અર્જુનભાઈ મોઢવાડીયાએ પોતાના વ્યક્તિગત અનુભવો વગોળતા જણાવ્યું હતું કે, તેઓ છેલ્લા કેટલાક વર્ષથી આ રેલવે સ્ટેશનથી અઠવાડિયામાં બે વખત મુસાફરી કરી રહ્યા છે. આ દીર્ઘકાલીન પ્રવાસના અનુભવને આધારે તેમણે ભારપૂર્વક જણાવ્યું હતું કે, રેલવેમાં અત્યાર સુધીમાં અભૂતપૂર્વ અને ધરખમ પરિવર્તનો આવ્યા છે. તેમણે ઉમેર્યું હતું કે જે લોકો એકવાર રેલવેની મુસાફરીનો અનુભવ મેળવી લે છે, તેઓ પછી પ્લેન, બસ કે પોતાની ગાડીના બદલે રેલવેના પ્રવાસને જ પ્રથમ પસંદગી આપે છે, કારણ કે રેલવેની સવારીએ મધ્યમ વર્ગ અને આરામદાયક મુસાફરી ઈચ્છતા તમામ લોકો માટે દેશમાં સૌથી સલામત, સસ્તી અને ઉત્તમ વ્યવસ્થા છે.
મંત્રી અર્જુનભાઇએ પોરબંદરના ભવિષ્યના રેલવે વિકાસના આયોજનો અંગે વિગતો આપતાં જણાવ્યું હતું કે, પોરબંદર સ્ટેશન પર હાલ એક જ પીટ લાઇન હોવાથી નવી ટ્રેનો શરૂ કરવામાં પડતી મુશ્કેલીના નિવારણ માટે રાણાવાવ સ્ટેશન ખાતે રૂા. ૧૩૫ કરોડના ખર્ચે નવો કોચ મેન્ટેનન્સ અને વોશિંગ યાર્ડ બનાવવાનું ટેન્ડર થઈ ગયું છે અને તેની જમીન સંપાદનની પ્રક્રિયા પણ ગતિમાં છે. આ ડેપો તૈયાર થતાં જ પોરબંદરને વંદે ભારત ટ્રેનની સુવિધા મળશે અને અન્ય સ્ટેશનોથી આવતી ટ્રેનોને પણ પોરબંદર સુધી લંબાવી શકાશે. આ ઉપરાંત તેમણે પોરબંદર સ્ટેશનથી બંદર સુધી ટ્રેન લંબાવવાનો સર્વે પૂર્ણ થયો છે અને સાપુરથી સરાડીયા-કુતિયાણા થઈ વાંસજાળિયા સુધીની જૂની લાઇનના સ્થાને નવી બ્રોડગેજ લાઇન માટે સર્વેનું કામ ચાલુ હોવાની માહિતી આપી હતી.
તેમણે જણાવ્યું હતું કે, પૂજ્ય મહાત્મા ગાંધીજીના નામને શોભે તેવું એરપોર્ટ જેવું આધુનિક અને ભવ્ય રેલવે સ્ટેશન બનાવવા માટેની દરખાસ્ત મોકલવામાં આવી છે, જે આ વર્ષના અંત સુધીમાં મંજૂર થવાની સંભાવના છે. રેલવે સ્ટેશનના આ ભવ્ય વિકાસ પ્રોજેક્ટ અંતર્ગત તેને સીધો સરદાર પટેલ રોડ સાથે જોડી શકાય તે માટે મહાનગરપાલિકાના મોટા ભવનની જમીન અન્ય જગ્યાએ આપવાની દરખાસ્ત મંજૂરી મળી છે અને મહાનગરપાલિકાની બિલ્ડિંગની જમીન રેલવેને સોંપવામાં આવશે.
અંતમાં, રેલવે મુસાફરીને સામાન્ય અને મધ્યમ વર્ગના લોકો માટે સૌથી સલામત, સસ્તી અને આરામદાયક ગણાવીને મંત્રીએ લોકોને આ સુવિધાનો મહત્તમ લાભ લેવા અનુરોધ કર્યો હતો તેમજ આ સમગ્ર વિકાસ કાર્યો માટે વડાપ્રધાન નરેન્દ્રભાઈ મોદી, કેન્દ્રીય રેલવે મંત્રી શ્રી અશ્વિની વૈષ્ણવ, કેન્દ્રીય મંત્રી ડો. મનસુખભાઈ માંડવિયા અને રેલવેના તમામ અધિકારીઓનો અર્જુનભાઇએ આભાર વ્યક્ત કર્યો હતો.
ભાવનગર ડિજિઝન ડીઆરએમ દિનેશભાઇ વર્મા દ્વારા ઉપસ્થિત મહાનુભાવોનું સ્વાગત કર્યું હતું. તેમણે જણાવ્યું કે આજનો દિવસ સમગ્ર રાષ્ટ્ર માટે ગૌરવનો દિવસ છે. પૂજ્ય બાપુની જન્મ ભૂમિ આજે એક નવા યુગમાં પ્રવેશી રહી છે સાથે સાથે શ્નવિરાસત ભી, વિકાસ ભી-ની ભાવનાને સાકાર કરી રહ્યો છે. આ પ્રસંગે ચિત્ર અને નિબંધ સ્પર્ધામાં શ્રેષ્ઠ પ્રદર્શન કરનારા વિદ્યાર્થીઓનું સન્માન કરવામાં આવ્યું હતું. અને વિવિધ સાંકળતિક કાર્યક્રમોની પ્રસ્તુતિઓ પ્રસ્તુત કરવામાં આવી હતી
પ્રધાનમંત્રી અમળત ભારત સ્ટેશન યોજના હેઠળ પુનર્વિકસિત પોરબંદર રેલવે સ્ટેશનને સ્થાનિક સંસ્કળતિ, ઐતિહાસિક ધરોહર અને વાસ્તુકળાને પ્રતિબિંબિત કરતી આધુનિક ડિઝાઇન સાથે વિકસાવવામાં આવ્યું છે. મુસાફરોને વિશ્વસ્તરીય અને યાત્રી-અનુકૂળ સુવિધાઓ ઉપલબ્ધ થાય તે માટે વિશાળ પ્રતીક્ષાલય, સુવ્યવસ્થિત ર્પાકિંગ, દિવ્યાંગજન-મૈત્રી સુવિધાઓ, આધુનિક મુસાફર સુવિધાઓ તથા સુરક્ષા વ્યવસ્થાને પ્રાધાન્ય આપવામાં આવ્યું છે.
સ્ટેશનના વિકાસમાં જળ સંરક્ષણ, સૌર ઊર્જાનો ઉપયોગ અને હરિત ક્ષેત્રોના વિકાસ જેવા પર્યાવરણલક્ષી તત્વોનો પણ સમાવેશ કરવામાં આવ્યો છે. શ્નવિરાસત ભી, વિકાસ ભી-ની ભાવનાને સાકાર કરતું આ સ્ટેશન સ્થાનિક ઓળખને જાળવી રાખીને આધુનિક વિકાસનું ઉત્તમ ઉદાહરણ બન્યું છે.
પુનર્વિકસિત પોરબંદર રેલવે સ્ટેશનથી પર્યટન, વેપાર, રોજગાર અને સ્થાનિક અર્થતંત્રને નવી ગતિ મળશે તેમજ શહેરના વિકાસમાં એક મહત્વપૂર્ણ સિટી સેન્ટર તરીકે પણ તે ઊભરી આવશે. આ યોજના પોરબંદરને વધુ સુવિધાસભર, આધુનિક અને વિકાસલક્ષી પરિવહન માળખું પ્રદાન કરવાની દિશામાં મહત્વપૂર્ણ પગલું સાબિત થશે. ઇ-લોકાર્પણ કાર્યક્રમમાં પૂર્વ કેબિનેટ મંત્રી બાબુભાઈ બોખરીયા,પોરબંદર જિલ્લા પંચાયત પ્રમુખ શીતલ ઓડેદરા, મહાનગરપાલિકાના મેયર સાગર મોદી, જિલ્લા પોલીસ વડા બી.યુ જાડેજા, મહાનગરપાલિકાના કમિશનર હસમુખ પ્રજાપતિ, ડેપ્યુટી મેયર મનીષ શિયાળ, જિલ્લા ભાજપ પ્રમુખ ચેતનાબેન તિવારી, મહામંત્રી સર્વ પ્રવીણ ખોરવા, પ્રવીણ ઓડેદરા, રામભાઈ કરગઠિયા, શહેર ભાજપ પ્રમુખ લક્કિરાજ વાળા સહિતના અગ્રણીઓ નાગરિકો ઉપસ્થિત રહ્યાં હતાં
(11:52 AM IST)
છેલ્લા 8 દિવસમાં સૌથી લોકપ્રિય 
