(મહંમદ રાઠોડ દ્વારા) વાંકાનેર, તા. ૮: આઇએમડીના મોન્‍સૂન મેપમાં ગઇકાલે જ પુરા ગુજરાતનો ચોમાસાએ કવર કરી લીધુ છે. જો કે સૌરાષ્‍ટ્રના કેટલાક ભાગોમાં હજુ પણ વરસાદી અછત જોવા મળી રહી છે.

સ્‍કાયમેટના વીપી મહેશ પલાવત જણાવે છે કે ૧૦ જુલાઇ પછી મહારાષ્‍ટ્ર સહિત દેશના ઘણા વિસ્‍તારો-રાજયોમાં બ્રેક મોન્‍સૂન અર્થાત વરસાદી વિરામ જોવા મળશે. બંગાળની ખાડીમાં વધુ એક સીસ્‍ટમ ઉદભવશે તેવું પણ મહેશ પલાવત જણાવે છે.

આઇ એમડીના ટેનડેઝ ફોરકાસ્‍ટ મોડેલ મેપ્‍સમાં આગામી દસ દિવસ સુધી ગુજરાતમાં મધ્‍યમ કે ભારે તો નહીં પણ હળવા વરસાદી માહોલની સંભાવના રહે તેવું દર્શાવાયેલુ જોવા મળે છે.