<img height="1" width="1" style="display:none" src="https://www.facebook.com/tr?id=1793108690839422&ev=PageView&noscript=1" />
News of Friday, 20th November 2026

મોરબીના ખાખરેચી સ્ટેશન પર માનવતાના ધોરણે સયાજી નગરી એક્સપ્રેસને મધરાત્રે ઇમરજન્સી સ્ટોપ અપાયું

ટ્રેનમાં મહિલાની પ્રસૂતિ થતાં લોકોપાયલટે સ્ટેશન માસ્ટરને 108 બોલાવવા સૂચના આપી:ટ્રેન પહોંચે તે પહેલાં જ એમ્બ્યુલન્સ હાજર:રેલવે કર્મચારીઓ અને 108 ની ટીમે તાત્કાલિક મદદ પૂરી પાડી

મોરબી જિલ્લામાં માનવતાનું ઉત્તમ ઉદાહરણ પૂરું પાડતો બનાવ સામે આવ્યો છે. ખાખરેચી રેલવે સ્ટેશન પર સયાજી નગરી એક્સપ્રેસને ઇમરજન્સી સ્ટોપ આપવામાં આવ્યું હતુ. ટ્રેનમાં મુસાફરી કરી રહેલી એક મહિલાને પ્રસૂતિ થતાં રાત્રે 3:20 વાગ્યે ટ્રેનને રોકવાનો નિર્ણય લેવામાં આવ્યો હતો. મહિલા અને નવજાત બાળકની તબિયતને ધ્યાનમાં રાખીને રેલવે તંત્ર દ્વારા માનવતાના ધોરણે આ મહત્વપૂર્ણ નિર્ણય લેવામાં આવ્યો હતો.

 

મળતી માહિતી મુજબ, સયાજી નગરી એક્સપ્રેસ ખાખરેચી સ્ટેશન પરથી પસાર થઈ રહી હતી ત્યારે ટ્રેનમાં સવાર એક મહિલાની પ્રસૂતિ થઈ હતી. પરિસ્થિતિની ગંભીરતાને ધ્યાનમાં રાખીને ટ્રેનના લોકોપાયલટ દ્વારા સ્ટેશન માસ્ટરને જાણ કરવામાં આવી હતી. સામાન્ય રીતે આ સ્ટેશન પર સયાજી નગરી એક્સપ્રેસનું નિયમિત સ્ટોપેજ નથી, તેમ છતાં મહિલા અને નવજાતને તાત્કાલિક સારવાર મળી રહે તે માટે ટ્રેનને રોકવાનો નિર્ણય લેવાયો હતો.

 

 

આ સમગ્ર ઘટનામાં રેલવે કર્મચારીઓની સતર્કતા પણ જોવા મળી હતી. લોકોપાયલટે સ્ટેશન માસ્ટરને અગાઉથી જ 108 એમ્બ્યુલન્સ બોલાવવા માટે સૂચના આપી હતી. જેના પગલે ટ્રેન ખાખરેચી સ્ટેશન પર પહોંચે તે પહેલાં જ 108 એમ્બ્યુલન્સ સ્ટેશન પર હાજર થઈ ગઈ હતી. રાત્રિના સમયે પણ તાત્કાલિક વ્યવસ્થા ગોઠવવામાં આવતા મહિલા અને નવજાતને સમયસર તબીબી મદદ મળી શકી હતી.

 

 

ટ્રેન સ્ટેશન પર પહોંચ્યા બાદ રેલવે કર્મચારીઓ અને 108 એમ્બ્યુલન્સની ટીમે સંકલન કરીને જરૂરી વ્યવસ્થા કરી હતી. બંને ટીમોના સંયુક્ત પ્રયાસોથી મહિલા અને નવજાતને તાત્કાલિક સારવાર માટે મદદ મળી હતી. ખાસ વાત એ છે કે, નિયમિત સ્ટોપેજ ન હોવા છતાં કટોકટીની સ્થિતિમાં માનવતાને પ્રાથમિકતા આપવામાં આવી હતી.

 

રાત્રે 3:20 વાગ્યે બનેલી આ ઘટનામાં સમયસર નિર્ણય અને તાત્કાલિક વ્યવસ્થાના કારણે મહિલા અને નવજાતને મદદ મળી હતી. રેલવે કર્મચારીઓ, લોકોપાયલટ, સ્ટેશન માસ્ટર અને 108 ની ટીમના સંકલિત પ્રયાસો માનવતાની મિસાલ બની રહ્યા છે. નિયમો કરતાં માનવજીવનને પ્રાથમિકતા આપવાના આ નિર્ણયની પ્રશંસા થઈ રહી છે.

(8:41 PM IST)