<img height="1" width="1" style="display:none" src="https://www.facebook.com/tr?id=1793108690839422&ev=PageView&noscript=1" />
News of Tuesday, 17th November 2026

ઉમરાળા સર્કિટ હાઉસમાં ચોકીદાર યુવકે જીવન ટૂંકાવ્‍યું

સુસાઈડ નોટમાં જીવનથી કંટાળી ગયાનો ઉલ્લેખ, પરિવારમાં શોકની લાગણી

(મેઘના વિપુલ હિરાણી) ભાવનગર, તા.૧૭: ભાવનગર જિલ્લાના વલ્લભીપુર તાલુકાના ઈટાળીયા ગામના રાહુલ બેચરભાઈ રાઠોડ ઉ.વ.૨૯ એ ઉમરાળા સર્કિટ હાઉસમાં છેલ્લા ચારેક વર્ષથી ચોકીદાર તરીકે નોકરી કરતા હતા. દરમિયાન  સાંજના સમયે તેમણે સર્કિટ હાઉસના રૂમમાં જીવન ટૂંકાવી લીધું હતું.

આ બનાવની જાણ થતા જ ઉમરાળા પોલીસે બનાવસ્‍થળે પહોંચીને તપાસ હાથ ધરી હતી. પોલીસે યુવકે લખેલી સુસાઈડ નોટ કબજે કરી હતી. જેમાં જીવનથી કંટાળી જઈને પોતાની જાતે આ પગલું ભર્યું હોવાનું તેમજ પોતાના અવસાન માટે પરિવારના સભ્‍યો કે અન્‍ય કોઈ વ્‍યક્‍તિનો દોષ ન હોવાનું લખ્‍યું હોવાનું પોલીસની પ્રાથમિક તપાસમાં જાણવા મળ્‍યું છે.

આ બનાવ બાદ રાહુલના અવસાન બાદ માતાના રહેતા હોવાનું જાણવા મળ્‍યું છે. યુવાનના અચાનક અવસાનથી પરિવાર સહિત સમગ્ર વિસ્‍તારમાં ગમગીન વાતાવરણ છવાઈ ગયું હતું. પોલીસે આ અંગે જરૂરી કાર્યવાહી હાથ ધરીને આગળની તપાસ ચાલુ રાખી છે.

(1:25 PM IST)