(સમીર વિરાણી દ્વારા) બગસરા તા.૧૦: બગસરામાં તાજીયા ઝુલુસ દરમિયાન વિજય ચોકમાંથી ખોવાયેલ હતા.આ મહિલા અસ્‍થિર મગજના મહિલા હોવાનું જાણવા મળેલ હતું. આ મહિલા હમીદાબેન હનીફભાઇ ભટ્ટી ઉંમર વર્ષ ૬૦ તેવો શહેરના હુડકો કોલોની રહેતા હતાજે ખોવાઈ ગયાની સમાજના અગ્રણીઓ તેમજ તેમજ આ મહિલાના ઘરના સભ્‍યો દ્વારા પોલીસ સ્‍ટેશન અરજી કરવામાં આવેલી હતી જ્‍યારે આજે આ મહિલાનું શહેરના હુડકો વિસ્‍તારમાં આવેલા નરસીંગ સ્‍કૂલની પાછળની સાઈડથી હાડપિંજર મળી આવતા શહેરમાં ચકચાર મચી ઉઠ્‍યો છે.

જયારે આ બાબતની જાણ પોલીસને થતા તત્‍કાલ પોલીસ કાફલા સાથે ઘટનાસ્‍થળે પહોંચીને પ્રથમ આ હાડપિંજરને બગસરા સિવિલ ખાતે ખસેડવામાં આવ્‍યું હતું ત્‍યારબાદ આ હાડપિંજરને ભાવનગર એફએસએલ ખાતે ખસેડવામાં આવ્‍યું છે.

આ મહિલાનું હાડપિંજર કોઈ જંગલી જનાવરે ખાધેલું હોવાનું પ્રાથમિક તારણ આવ્‍યું છે જ્‍યારે આ બાબતે પોલીસ દ્વારા વધુ તપાસ હાથ ધરી છે. (તસવીરઃ સમીર વિરાણી બગસરા)