(જયેશ ભટ્ટાસણા દ્વારા)ટંકારા તા.૧૮ :           મોરબી જિલ્લામાં વહેલી સવારથી મેઘરાજાએ તોફાની બેટિંગ શરૂ કરી છે. માળીયામીયાણા તાલુકામાં છેલ્લા ૪ કલાકમાં અનરાધાર ૫ ઇંચ વરસાદ ખાબકતા ચોમેર પાણી-પાણી થઈ ગયું છે. માળીયા મીયાણા તાલુકામાં રાત્રિના ૧૨ થી ૨ દરમિયાન ૧ ઇંચ અને મોડી રાત્રિના ૨ થી ૪ દરમિયાન ૨ કલાકમાં ૪ ઇંચ વરસાદ વરસતા સર્વત્ર પાણી પાણી થઈ ગયું છે.

બીજી તરફ ટંકારા પંથકમાં પણ સવારે 6 વાગ્યાથી પોણા આઠ વાગ્યા સુધીમાં 38 મીમી વરસાદ નોંધાયો છે. સતત વરસી રહેલા વરસાદને કારણે નીચાણવાળા વિસ્તારોમાં પાણી ભરાવાની શરૂઆત થઈ છે અને જનજીવન પ્રભાવિત થયું છે.