સુરેન્દ્રનગર બી-ડિવિઝન પોલીસે સરાહનીય કામગીરી કરીને છેતરપિંડીનો ભોગ બનેલા એક અરજદારને તેમનું ગીરવે મૂકેલું આઈશર વાહન હેમખેમ પરત અપાવ્યું છે. સમગ્ર મામલાની વિગત એવી છે કે, અરજદાર દિનેશભાઈ ગેલડિયાએ લોન પર એક આઈશર ગાડી લીધી હતી. આ વાહન તેમણે આગળના હપ્તા નિયમિત ભરવાની શરતે પ્રફુલભાઈ ક્લાડીયા નામના વ્યક્તિને વાપરવા આપ્યું હતું. જો કે, પ્રફુલભાઈએ અરજદારની જાણ બહાર જ આ આઈશર ગાડીને ₹૧ લાખમાં અન્ય જગ્યાએ ગીરવે મૂકી દીધી હતી અને લોનના હપ્તા ન ભરીને દિનેશભાઈ સાથે મોટી છેતરપિંડી આચરી હતી.