રાજકોટ તા. ૩૦: સરધારમાં પ્‍લોટ વિસ્‍તારમાં રહેતાં પ્રવિણભાઇ મનસુખભાઇ ચોહાણ (ઉ.વ.૩૫) નામના યુવાને સાંજે ઝેરી દવા પી આપઘાત કરી લેતાં પરિવારમાં શોક છવાઇ ગયો છે.

પ્રવિણભાઇ સાંજે ઘરે ઉલ્‍ટીઓ કરવા માંડતાં પરિવારજનોએ પુછતાછ કરતાં ઝેર પી લીધાનું જણાવતાં તુરત જ સારવાર માટે રાજકોટ સિવિલ હોસ્‍પિટલમાં ખસેડાયા હતાં. પરંતુ અહિ મોડી રાતે મૃત્‍યુ થયું હતું. હોસ્‍પિટલ ચોકીના સ્‍ટાફે જાણ કરતાં આજીડેમ પોલીસે કાર્યવાહી કરી હતી.

સગાના કહેવા મુજબ પ્રવિણભાઇ બે ભાઇ અને ત્રણ બહેનમાં મોટા હતાં. સંતાનમાં બે દિકરા છે. પોતે છુટક મજૂરી કરતાં હતાં. દારૂ પીવાની ટેવ હોઇ તેના કારણે ઘરમાં તેને કલેશ ચાલતો હતો. આનાથી કંટાળીને ઝેરી દવા પી લીધી હતી.