(ભરત મહેતા દ્વારા) કોટડાપીઠા, તા. ૩ : બાબરા તાલુકાના કોટડાપીઠા ગામે આજે બપોરના ત્રણથી ચાર વાગ્‍યા સુધી ફકત એક કલાકમાં બે ઇંચ વરસાદ પડેલ છે.

આ વરસાદથી ગામની મેઇન બજારમાં નદી-નાળામાં પુર આવેલ, આ વરસાદ ખાનપર-સીમ, વાવડા સીમ, તેમજ રાયપર સીમમાં વાવણી લાયક વરસાદ પડેલ છે.

તેમજ ચેક ડેમ છલકાઇ ગયા છે તેમજ ખેતી લાયક જમીન પાણીથી તરબોળ થઇ ગયેલ.

જયારે કોટડાપીઠની જ ભાલવી સીમ તેમજ હડીયા સીમ તરીકે ઓળખાતી જ સીમમાં હજુ સુધી વાવણી લાયક વરસાદ પડેલ નથી, તેમજ કરણકા, ગરણી, ઉંટવડ વગેરે ગામોમાં હજુ સુધી વાવણી લાયક વરસાદ પડેલ નથી.