કેન્દ્રીય ગૃહ અને સહકાર મંત્રી અમિતભાઈ  શાહ કચ્છ જિલ્લાની મુલાકાતે ભુજ એરપોર્ટ ખાતે આવી પહોંચ્યા છે, જ્યાં ભાજપના પદાધિકારીઓ, વરિષ્ઠ પ્રમુખો અને મોટી સંખ્યામાં ઉપસ્થિત કાર્યકરો દ્વારા ઢોલ-નગારાના નાદ સાથે તેમનું ભવ્ય અને પરંપરાગત સ્વાગત કરવામાં આવ્યું હતું. પોતાના આ મહત્વપૂર્ણ પ્રવાસ દરમિયાન ગૃહમંત્રી ભારત-પાકિસ્તાન આંતરરાષ્ટ્રીય સરહદ (બોર્ડર) ની મુલાકાત લેશે અને ત્યાં સુરક્ષા વ્યવસ્થાની સમીક્ષા કરશે. આ સાથે જ તેઓ સરહદી વિસ્તારોના વિકાસ માટે કરોડો રૂપિયાના વિવિધ લોકઉપયોગી વિકાસકામોનું લોકાર્પણ અને ખાતમુહૂર્ત પણ કરવાના છે, જેને લઈને વહીવટી તંત્ર દ્વારા તમામ તૈયારીઓ પૂર્ણ કરી લેવામાં આવી છે.