(વિનુ જોષી દ્વારા) જુનાગઢ, તા. રઃ ગુજરાત માધ્‍યમિક અને ઉચ્‍ચતર માધ્‍યમિક શિક્ષણ બોર્ડ ગાંધીનગર દ્વારા આ વર્ષે ધો.૧૦ અને ૧ર ના વિદ્યાર્થીઓ માટે નુતન પહેલ અંતર્ગત અધતન માર્કસીટ જાહેર કરવામાં આવી છે.

આ માર્કસીટમાં ડોટે મેટ્રીકસ પ્રિન્‍ટીંગના બદલે કલરફુલ લેઝર પ્રિન્‍ટરનો ઉપયોગ કરવામાં આવ્‍યો છે.

સૌથી મહત્‍વનો બદલાવ કયુઆર કોડનો સમાવેશ છે આ ડિઝીટલ સુવિધાને કારણે નોકરી કે આગળના અભ્‍યાસ વખતે માકસીટ વેરીફિકેશન કરવા માટે વિદ્યાર્થીઓને ગાંધીનગર ધકકા નહી ખાવા પડે અને ફિ માંથી પણ મુકિત મળશે. નોકરી દાતા કે સંસ્‍થા સીધો જ કયુઆર કોડ સ્‍કેન કરી માર્કસીટ ખરાઇ કરી શકશે જેનાથી ડુપ્‍લીકેટ માર્કસીટ બનાવાના દુષણ પણ રોડ લાગશે. વિદ્યાર્થીઓ પણ પોતાના મોબાઇલથી ગમે ત્‍યારે આ કોડ સ્‍કેન કરી પોતાની માર્કસીટ જોઇ શકશે.

જુનાગઢની ડો. સુભાષ આર્ય કન્‍યા વિદ્યાલય ધો. ૧ર સમાન્‍ય પ્રવાહમાં ૯૪.ર૮ ટકા અને ૯૯.૭૯ પીઆર મેળવી ઉર્તિણ થયેલી વિદ્યાર્થીની કરમુની નિશા એ અનવનીતાને સમય સાથેનું હકારાત્‍મક પરિવર્તન ગણાવી બોર્ડનો આભાર માન્‍યો હતો.

તેમજ ગુજરાત માધ્‍યમિક અને ઉચ્‍ચ માધ્‍યમિક શિક્ષણ બોર્ડના કારોબારી સદસ્‍ય નિલેશભાઇ કે. સોનારાએ બોર્ડના આ હિતકારી અને દિર્ધદ્રષ્‍ટિ વાળા નિર્ણયને આવકારી બિરાદવી શિક્ષણ જગતવતી અભિનંદન પાઠવ્‍યા છે