(મનસુખભાઈ બાલધા દવારા) જામકંડોરણા તા. ર૪ :..  જામકંડોરણામાં ગત રાત્રીના ૧૦-૦૦ વાગ્‍યાથી આજે સવારના ૬-૦૦ વાગ્‍યા સુધીમાં ૧૪૩ મી.મી. (પોણા છ ઈચ) ધોધમાર વરસાદ પડયો હતો આ સમગ્ર પંથકમાં સારા વરસાદના લીધે જામકંડોરણાની ઉતાવળી નદી,સારણ નદી, ફોફળ નદીમાં પૂર આવ્‍યા હતા તેમજ નદી નાળા,ચેકડેમો છલોછલ ભરાઈ ગયા હતા આ સારા વરસાદના લીધે જામકંડોરણાના ફોફળ ડેમમાં સાડા ચાર ફુટ પાણીની આવક થતાં ડેમની સપાટી હાલ ૧૨.૫૦ ફુટે પહોંચી છે આ ભારે વરસાદના લીધે જામકંડોરણાથી કાલાવડ તથા જામનગર જતાં હાઈવે રોડમાં વાવડી ગામ પાસે બ્રિજનુ કામ ચાલુ હોવાથી કાઢવામાં આવેલ ડાયવઝન ધોવાઈ જતાં જામકંડોરણાથી કાલાવડ તથા જામનગરનો વાહનવ્‍યવહાર બંધ થયો છે.