વિસાવદર શરૂઆત હતી, હવે લક્ષ્ય ૨૦૨૭માં પરિવર્તનનું: ગોપાલ રાય
૨૦૨૭ વિધાનસભા ચૂંટણીની તૈયારીના ભાગરૂપે અમદાવાદ ખાતે આમ આદમી પાર્ટીની રાષ્ટ્રીય અને પ્રદેશ નેતળત્વની મહત્વપૂર્ણ બેઠક યોજાઈ, રણનીતિ ઘડવાનું શરૂ કર્યુ : આમ આદમી પાર્ટીના ગુજરાત પ્રદેશ પ્રભારી ગોપાલ રાય સહિત પાંચેય સહપ્રભારી, પ્રદેશ પ્રમુખ ઈસુદાન ગઢવી અને ધારાસભ્યો ગોપાલ ઇટાલીયા, ચૈતર વસાવા, હેમંત ખવા બેઠકમાં હાજર રહ્યાઃ પાર્ટીની રણનીતિ, સંગઠન મજબૂત બનાવવાની યોજના, બૂથ સ્તરે કાર્ય વિસ્તરણ અને જનસંપર્ક અભિયાન અંગે વિસ્તળત ચર્ચા
રાજકોટ, તા.૧૮: ગુજરાતમાં ૨૦૨૭ની વિધાનસભા ચૂંટણીને ધ્યાનમાં રાખીને આમ આદમી પાર્ટી દ્વારા અમદાવાદ ખાતે મહત્વપૂર્ણ સંગઠનાત્મક અને વ્યૂહાત્મક બેઠકનું આયોજન કરવામાં આવ્યું. પાર્ટીના રાષ્ટ્રીય તેમજ પ્રદેશ સ્તરના નેતાઓએ હાજરી આપી અને આગામી ચૂંટણી માટેની તૈયારીઓ અંગે વિસ્તળત ચર્ચા કરી હતી.
બેઠકમાં આમ આદમી પાર્ટીના ગુજરાત પ્રદેશ પ્રભારી ગોપાલ રાય, સહપ્રભારી દુર્ગેશ પાઠક, સહપ્રભારી દિનેશ મોહનિયા, સહપ્રભારી વિનય મિશ્રા અને સહપ્રભારી ગૌરવ શર્મા ઉપસ્થિત રહ્યા હતા. ઉપરાંત આમ આદમી પાર્ટીના ગુજરાત પ્રદેશ પ્રમુખ ઇસુદાન ગઢવી, ધારાસભ્ય ગોપાલ ઇટાલીયા, ધારાસભ્ય ચૈતર વસાવા, ધારાસભ્ય હેમંત ખવા અને નેશનલ જોઇન્ટ સેક્રેટરી રાજુભાઈ સોલંકી સહિત પ્રદેશના અગ્રણીઓ, ફ્રન્ટલ સંગઠનના હોદ્દેદારો તેમજ અન્ય અગ્રણીઓએ બેઠકમાં ભાગ લીધો હતો.
આમ આદમી પાર્ટીની બેઠક દરમિયાન ૨૦૨૭ની વિધાનસભા ચૂંટણી માટે પાર્ટીની રણનીતિ, સંગઠન મજબૂત બનાવવાની યોજના, બૂથ સ્તરે કાર્ય વિસ્તરણ અને જનસંપર્ક અભિયાન અંગે વિસ્તળત ચર્ચા કરવામાં આવી. પાર્ટીએ રાજ્યભરમાં સંગઠનને વધુ સક્રિય બનાવવાના પ્રયાસો તેજ કરવાની દિશામાં માર્ગદર્શન આપ્યું હતું.
આમ આદમી પાર્ટીની બેઠક દરમિયાન પ્રદેશ પ્રભારી ગોપાલ રાયે જણાવ્યું કે વિસાવદર માત્ર શરૂઆત હતી, હવે લક્ષ્ય ૨૦૨૭માં ગુજરાતમાં પરિવર્તન લાવવાનું છે. તેમણે વધુમાં જણાવ્યું કે સ્થાનિક સ્વરાજની ચૂંટણી એક યુદ્ધનું મેદાન બની ગઈ હતી અને ખૂબ જ મોટી સંખ્યામાં AAP કાર્યકર્તાઓ અને પદાધિકારીઓને પોલીસ દ્વારા હેરાન કરવામાં આવ્યા હતા અને તેમ છતાં કાર્યકર્તાઓએ મેદાનમાં મજબૂત લડત આપી હતી અને ચૂંટણીમાં સારા પરિણામ આવ્યા હતા.
ગોપાલ રાયે કહ્યું કે ગુજરાતમાં જનતા હવે નવા વિકલ્પ તરફ આગળ વધી રહી છે અને આગામી સમયમાં આમ આદમી પાર્ટી વધુ મજબૂત સંગઠન સાથે લોકો વચ્ચે પહોંચશે અને ૨૦૨૭માં આમ આદમી પાર્ટી મોટું પરિવર્તન લાવશે.
આમ આદમી પાર્ટીના ગુજરાત પ્રદેશ પ્રમુખ ઇસુદાન ગઢવી, ધારાસભ્ય ગોપાલ ઇટાલીયા, ધારાસભ્ય ચૈતર વસાવા, ધારાસભ્ય હેમંત ખવા અને નેશનલ જોઇન્ટ સેક્રેટરી રાજુભાઈ સોલંકી સહિતના એ માર્ગદર્શન આપ્યું હતું.
(12:13 PM IST)
છેલ્લા 8 દિવસમાં સૌથી લોકપ્રિય 
