(મુકુંદ બદિયાણી દ્વારા)જામનગર તા.૧૪ : આજરોજ જામનગર એરપોર્ટ ખાતે હાલારની પાવન ધરતી પર પધારેલ ગુજરાત પ્રદેશ ભારતીય જનતા પાર્ટીના માનનીય અધ્યક્ષ જગદીશ પંચાલ(વિશ્વકર્મા)નું ઉષ્માભેર સ્વાગત કરવામાં આવ્યું હતું.

એરપોર્ટના અરાઈવલ વિભાગ ખાતે જામનગરના સાંસદ  પૂનમબેન માડમ દ્વારા પ્રદેશ અધ્યક્ષ જગદીશ પંચાલનું પુષ્પગુચ્છ અર્પણ કરી સન્માન કરવામાં આવ્યું હતું. આ પ્રસંગે જામનગર પ્રભારી ધનસુખભાઈ ભંડેરી સહિત ભાજપના અન્ય અગ્રણીઓ અને મોટી સંખ્યામાં કાર્યકરો ઉપસ્થિત રહ્યા હતા.

સ્વાગત પ્રસંગે ઉપસ્થિત તમામ કાર્યકરોએ ભાજપના ખેસ ધારણ કર્યા હતા. સુરક્ષા વ્યવસ્થાના ભાગરૂપે પોલીસ કર્મીઓ પણ સ્થળ પર તૈનાત જોવા મળ્યા હતા.