(મહમદ રાઠોડ દ્વારા) વાંકાનેરઃ તા. ર૬, ગુજરાતના દક્ષિણ હિસ્‍સાને નિયમીત ચોમાસુ હોય ત્‍યારે ૧પ જુને ટચ કરતું હોય છે પણ આ વેળા કેરળમાં ચારદિ' મોડું શરૂ થયેલું નબળુ ગણાતું ચોમાસુ ગુજરાતમાં નવદિ'મોડુ શરૂ થયું છે. હવે એ હિસાબે સૌરાષ્‍ટ્રને ર૦ જુને નિયમીતરૂપે આવરી લેતું ચોમાસું હવે આ માસના અંતભાગે ૩૦ જુન આસપાસ આવરી લેશે. આઇએમડીના ફોરકાસ્‍ટ મોડેલ મેપ્‍સમાં ૩૦ જુનથી કચ્‍છ સૌરાષ્‍ટ્ર સહિત રાજયમાં વરસાદી માહોલ છવાયું તેવું દર્શાવી રહ્યા છે. આ વેળા મોન્‍સૂન પેટર્ન વિચિત્રતાસભરની જોવા મળી રહી છે. વેધર નિષ્‍ણાંતો અનુસાર અલગનીનોની અસરથી દેશમાં કયાંય અતિવૃષ્‍ટિ તો કયાંક દુષ્‍કાળ જેવી સ્‍થિતીના નિર્માણની સંભાવના રહે છે. ગુજરાતમાં દુષ્‍કાળની સ્‍થિતી ન સર્જાય અને ભલે મોડે શરૂ થનાર મેઘ સ્‍વારી દુષ્‍કાળનો ઓછાયો દૂર કરે તેવી અપેક્ષા સહ રાખી રહ્યો છે.