(મહમદ રાઠોડ દ્વારા) વાંકાનેર તા.૩૦: બંગાળની ખાડીમાં બનેલી ડીપ ડીપ્રેશન કેટેગરીની મજબુત સીસ્‍ટમનો ટ્રેક હવે બદલાય અને કાશ્‍મીર સહિત ઉતર તરફના આ વરસાદી આફત સરકી શકે છે. જેથી ગુજરાતમાં આ સીસ્‍ટમના આધારે નવા ભારે વરસાદી રાઉન્‍ડની સંભાવના હાલ ટળી રહી હોવાનું જણાઇ રહયુ છે.

ભારતીય હવામાન વિભાગના ટેન ડેઝ ફોરકાસ્‍ટ મોડેલ મેપ્‍સમાં મોૈસમનો આ બદલાયેલો મિઝાઝ જોવા મળી રહયો છે. જે મુજબ આગામી ત્રીજી ઓગસ્‍ટે આ સીસ્‍ટમ રાજસ્‍થાન- દિલ્‍હી- પંજાબ સહિતના ઉતરના રાજયોમાં ભારે વરસાદ વરસાવશે. આ સમયે ગુજરાત કોરૂ ધાકાડ રહેશે. ચોથી ઓગસ્‍ટે ગુજરાતમાં માત્ર હળવો વરસાદ દર્શાવાયેલો છે. આ સીસ્‍ટમ ઉતરના રાજયો તરફ સરકી જતી જોવા મળે છે. પાંચમી ઓગસ્‍ટે બંગાળની ખાડીમાં એક ભારે સીસ્‍ટમ ચકરાવા લઇ રહેલી જોવા મળે છે. આ સીસ્‍ટમ કદાચ તેની તિવ્રતા જોતા વાવાઝોડુ પણ બનવાની સંભાવના રહે છે. જો આ વાવાઝોડુ બને તો ચોમાસાનું પ્રથમ વાવાઝોડુ હોઇ શકે.

સાતમી ઓગસ્‍ટે આ સંભવિત ભારે સીસ્‍ટમ અથવા વાવાઝોડુ તામીલનાડુ તરફ લેન્‍ડફોલ થાય તેવુ આ મોડેલ મેપ્‍સમાં જોવા મળે છે. વેધર અહેવાલોમાં અમે કહેતા જ આવ્‍યા છીએ કે મોડેલોમાં બદલાવો થતા રહે છે. જો અને તોની સ્‍થિતિ બનતી રહેતી હોય છે. આજના આ લોંગ પીરીયડ મોડેલ મેપ્‍સની સ્‍થિતિમાં પણ વધુ નહી પરંતુ અમુક અંશે બદલાવો આવી શકે છે. સ્‍કાયમેટના મહેશ પલાવત પણ જણાવે છે કે, ડીપ ડીપ્રેશન વાળી આ સીસ્‍ટમ આગળ જતા ઉતર તરફ સરકી શકે છે