News of Wednesday, 19th June 2024
સ્મૃતિ મંધાના ફુલફોર્મમાં :સાઉથ આફ્રિકા સામે સતત બીજી સદી ફટકારી : હરમનપ્રીત કૌરેની પણ શાનદાર સેન્ચુરી
સ્મૃતિએ મિતાલી રાજના સૌથી વધુ સદીઓના ઐતિહાસિક રેકોર્ડની પણ બરાબરી કરી

મુંબઈ : આ દિવસોમાં ભારતીય મહિલા ક્રિકેટ ટીમ ઘરઆંગણે દક્ષિણ આફ્રિકા સામે 3 મેચની વનડે શ્રેણી રમી રહી છે. આ સીરીઝમાં ભારતીય ટીમની વાઈસ કેપ્ટન સ્મૃતિ મંધાનાના બેટમાં ધાર લાગી છે. તેણે આફ્રિકન બોલરોને શાનદાર ક્લાસ આપ્યો છે.
મંધાનાએ શ્રેણીની શરૂઆતની બંને મેચમાં સદી ફટકારી છે. તે વનડેમાં સતત બે સદી ફટકારનારી પ્રથમ ભારતીય મહિલા ક્રિકેટર બની છે. આ ઉપરાંત, તેણે મિતાલી રાજના સૌથી વધુ સદીઓના ઐતિહાસિક રેકોર્ડની પણ બરાબરી કરી છે. મંધાનાએ આ સિરીઝમાં અત્યાર સુધી ઘણા સારા રેકોર્ડ બનાવ્યા છે.
સિરીઝની બીજી મેચ બુધવારે (19 જૂન) બેંગલુરુમાં થઈ, જેમાં મંધાનાએ 103 બોલમાં સદી ફટકારી. આ દરમિયાન તેણે 12 ફોર અને 1 સિક્સ ફટકારી હતી. આ ઇનિંગમાં મંધાનાએ 120 બોલમાં કુલ 136 રન બનાવ્યા હતા.
આ દરમિયાન તેણે 18 ફોર અને 2 સિક્સર ફટકારી હતી. બીજી મેચમાં મંધાનાનો સ્ટ્રાઈક રેટ 113.33 હતો. તમને જણાવી દઈએ કે ગત મેચમાં મંધાનાએ 127 બોલમાં 117 રનની ઇનિંગ રમી હતી. આ દરમિયાન 1 સિક્સ અને 12 ફોર ફટકારી હતી. સતત બીજી સદી ફટકારીને મંધાનાએ મિતાલી રાજના સદીના રેકોર્ડની બરાબરી કરી લીધી છે.
મિતાલી એવી ભારતીય ખેલાડી છે જેણે વન-ડે ઈન્ટરનેશનલમાં સૌથી વધુ સદી ફટકારી છે. હવે મંધાનાએ પણ તેની બરાબરી કરી લીધી છે. બંને સંયુક્ત રીતે ટોચ પર છે. મંધાના તેની આગામી સદી ફટકારતાની સાથે જ તે આ મામલે મિતાલીને હરાવીને ઈતિહાસ રચશે.
જોકે, આંતરરાષ્ટ્રીય ક્રિકેટમાં સૌથી વધુ સદીનો રેકોર્ડ ઓસ્ટ્રેલિયાની સ્ટાર મેગ લેનિંગના નામે છે, જેણે 103 મેચમાં 15 સદી ફટકારી છે. તેના પછી બીજા નંબર પર ન્યુઝીલેન્ડની સુઝી બેટ્સ છે જેણે 13 સદી ફટકારી છે. આ બે ખેલાડીઓ સિવાય કોઈએ 10થી વધુ સદી ફટકારી નથી. 27 વર્ષની મંધાના સૌથી વધુ સદી ફટકારવાનો રેકોર્ડ પણ પોતાના નામે કરી શકે છે.
(8:38 PM IST)









છેલ્લા 8 દિવસમાં સૌથી લોકપ્રિય 
