રોહિત શર્માની કેપ્ટન્સીમાં ભારતીય ટીમ પાસે 11 વર્ષના દુષ્કાળને ખતમ કરવાની તક છે. ભારતીય ટીમે છેલ્લે 11 વર્ષ પહેલા એટલે કે વર્ષ 20213માં ICC ટ્રોફી જીતી હતી. વર્ષ 2013માં મહેન્દ્ર સિંહ ધોનીની કપ્તાનીમાં ભારતીય ટીમ ચેમ્પિયન્સ ટ્રોફી જીતવામાં સફળ રહી હતી. પરંતુ ત્યાર બાદ ભારતીય ટીમ ICC ટ્રોફી જીતવામાં સફળ રહી નથી.

   ગયા વર્ષે ભારતીય ટીમને બે તક મળી હતી. પરંતુ બંને વખત ભારતને ઓસ્ટ્રેલિયા સામે હારનો સામનો કરવો પડ્યો હતો. વર્લ્ડ ટેસ્ટ ચેમ્પિયનશિપમાં ભારતીય ટીમ ઓસ્ટ્રેલિયા સામેની ફાઈનલ મેચ જીતવામાં સફળ રહી શકી નથી. આ પછી, ભારતીય ટીમને ODI વર્લ્ડ કપ 2023ની અંતિમ મેચમાં પણ હારનો સામનો કરવો પડ્યો હતો.

   ભારતીય ટીમે અત્યાર સુધીમાં કુલ પાંચ ICC ટ્રોફી જીતી છે. વર્ષ 1983માં ભારતે પ્રથમ વખત ODI વર્લ્ડ કપ ટ્રોફી કબજે કરીને સૌને ચોંકાવી દીધા હતા. વાસ્તવમાં વર્ષ 1983માં ભારતીય ટીમને અંડરડોગ માનવામાં આવતી હતી. ભારતીય ટીમ વિશે કોઈએ એવી આગાહી કરી ન હતી કે આ ટીમ ODI વર્લ્ડ કપનો ખિતાબ જીતી શકે છે. પરંતુ કપિલ દેવની કપ્તાનીમાં ભારતે ઈતિહાસ રચ્યો અને ટ્રોફી પર કબજો કર્યો. 

   ભારત વર્ષ 2002માં બીજી ICC ટ્રોફી જીતવામાં સફળ રહ્યું હતું. સૌરવ ગાંગુલીની કેપ્ટન્સીમાં ભારતે દક્ષિણ આફ્રિકા અને ઓસ્ટ્રેલિયાને હરાવીને ફાઇનલમાં જગ્યા બનાવી હતી. ફાઇનલમાં ભારતનો મુકાબલો શ્રીલંકા સામે થવાનો હતો. જો કે, ફાઇનલ મેચ વરસાદને કારણે રદ કરવામાં આવી હતી અને તેથી શ્રીલંકા અને ભારત બંનેને સંયુક્ત વિજેતા જાહેર કરવામાં આવ્યા હતા.

  મહેન્દ્ર સિંહ ધોનીની કપ્તાનીમાં વર્ષ 2007માં ભારતીય ટીમે T-20 વર્લ્ડ કપની ટ્રોફી પર કબજો કરીને ઈતિહાસ રચ્યો હતો. ભારતીય ટીમ ફાઈનલ મેચમાં પાકિસ્તાનને પાંચ રનથી હરાવીને T20 વર્લ્ડ કપ જીતવામાં સફળ રહી હતી

   ફરી એકવાર મહેન્દ્ર સિંહ ધોનીની કપ્તાનીમાં ભારતીય ટીમ વનડે વર્લ્ડ કપનો ખિતાબ જીતવામાં સફળ રહી હતી. 2011 ODI વર્લ્ડ કપ માત્ર ભારતમાં જ રમાયો હતો. ભારતીય ટીમે ફાઈનલ મેચમાં શ્રીલંકાને હરાવીને વર્લ્ડ કપ ટ્રોફી પર કબજો કર્યો હતો.

   ભારતીય ટીમ છેલ્લે વર્ષ 2013માં ચેમ્પિયન્સ ટ્રોફીનો ખિતાબ જીતવામાં સફળ રહી હતી. ભારત અને ઈંગ્લેન્ડ વચ્ચે 2013ની ફાઈનલ મેચમાં ભારતીય ટીમે શાનદાર પ્રદર્શન કર્યું હતું અને જીત મેળવી હતી. આ મેચ લો સ્કોરિંગ હતી જે ભારતે પાંચ રનથી જીતી હતી.

   મહેન્દ્ર સિંહ ધોનીની કપ્તાનીમાં ભારતીય ટીમ ત્રણ વખત ICC ટ્રોફી પર કબ્જો કરી ચુકી છે. મહેન્દ્ર સિંહ ધોની 2007 T20 વર્લ્ડ કપ, 2011 ODI વર્લ્ડ કપ અને 2013 ચેમ્પિયન્સ ટ્રોફી - ત્રણેય પ્રસંગોએ ભારતીય ટીમની કેપ્ટનશીપ કરી રહ્યો હતો.

અહીં સંપૂર્ણ યાદી જુઓ ODI વર્લ્ડ કપ 1983 ચેમ્પિયન્સ ટ્રોફી 2002 ટી20 વર્લ્ડ કપ 2007 ODI વર્લ્ડ કપ 2011 ચેમ્પિયન્સ ટ્રોફી 2013