નવી દિલ્હી: કુસ્તીબાજ વિનેશ ફોગાટની પેરિસ 2024 ઓલિમ્પિક ગેમ્સમાં મહિલા કુસ્તી 50 કિગ્રા સ્પર્ધામાં સિલ્વર મેડલ અપાવવાની અપીલ પ્રખ્યાત વરિષ્ઠ વકીલ હરીશ સાલ્વે અને વિદુષ્પત સિંઘાનિયા કોર્ટ ઓફ આર્બિટ્રેશન ફોર સ્પોર્ટ (CAS) સમક્ષ બપોરે 2 વાગ્યે રજૂ કરશે (સ્થાનિક સમય) ભારતીય ઓલિમ્પિક એસોસિએશન વિનેશની અપીલને સમર્થન આપી રહ્યું છે જ્યારે તેણીને સ્પર્ધાના બીજા દિવસે 50 કિલોના નિર્ધારિત વજન કરતાં 100 ગ્રામ વધુ હોવાના કારણે સ્પર્ધામાંથી અયોગ્ય ઠેરવવામાં આવી હતી.તેણીએ ફાઇનલમાં પ્રવેશતા પહેલા દિવસે ત્રણ મેચ જીતી હતી, જેમાં જાપાનની ડિફેન્ડિંગ ચેમ્પિયન યુઇ સુસાકી સામેની પ્રબળ જીતનો સમાવેશ થાય છે.યુનાઈટેડ વર્લ્ડ રેસલિંગ (UWW) સ્પર્ધાના નિયમો અનુસાર, જો કોઈ કુસ્તીબાજ સ્પર્ધાના કોઈપણ દિવસે નિર્ધારિત વજન મર્યાદામાં નહીં રહે તો તેનું પરિણામ રદબાતલ ગણાશે.IOAના પ્રમુખ પીટી ઉષા અને રેસલિંગ ફેડરેશન ઑફ ઈન્ડિયાના વડા સંજય સિંહે બુધવારે યુનાઈટેડ વર્લ્ડ રેસલિંગ (UWW)ના પ્રમુખ નેનાદ લાલોવિકને વિનેશના પરિણામોને પહેલા દિવસે રદ ન કરવા વિનંતી કરી હતી.