નવી દિલ્‍હીઃ લાંબા સમયથી ભારતીય ટીમની બહાર રહેલા સ્‍પિનર યુઝવેન્‍દ્ર ચહલે કાઉન્‍ટી ક્રિકેટમાં કમાલ કરી હતી. તેણે નાર્થમ્‍પટનશર માટે પોતાની ડેબ્‍યુ મેચમાં જ તેણે વન ડે કપમાં ભુતપૂર્વ કાઉન્‍ટી ટીમ કેન્‍ટ સ્‍પિટફાયર્સ સામે ૧૦ ઓવરમાં ૧૪ રન આપીને ૫ વિકેટ લીધી હતી.ચહલના આ પ્રદર્શનને કારણે નાર્થમ્‍પટશનરએ કેન્‍ટ સ્‍પિટફાયર્સને ૯ વિકેટથી હરાવ્‍યું. ચહલ ઉપરાંત જસ્‍ટિન બ્રોડે પણ સારી બોલિંગ કરી હતી. તેણે ૧૬ રનમાં ૩ વિકેટ લીધી હતી. ચહલ અને બ્રોડની શાનદાર બોલિંગના કારણે વિપક્ષી ટીમ ૩૫.૧ ઓવરમાં ૮૨ રનમાં સમેટાઇ ગઇ હતી. જવાબમાં નાર્થમ્‍પટનશરની ટીમે ૧૪ ઓવરમાં ૧ વિકેટ ગુમાવીને ૮૬ રન બનાવ્‍યા હતા. ટુનામેન્‍ટની છેલ્લી મેચ રમી રહેલા નાર્થમ્‍પટનશરની આ સિઝનમાં આ પ્રથમ જીત છે.