નવી દિલ્હી: ટી20 ફોર્મેટનો સૌથી ખતરનાક બેટ્સમેન અને ટીમ ઈન્ડિયાનો ટી20 કેપ્ટન સૂર્યકુમાર યાદવ આ દિવસોમાં ડોમેસ્ટિક ક્રિકેટ રમી રહ્યો છે. સૂર્યાનું ધ્યાન ઘરેલું ક્રિકેટમાં તેના જોરદાર પ્રદર્શનના આધારે ટીમ ઈન્ડિયાની ટેસ્ટ ટીમમાં વાપસી કરવા પર છે. પરંતુ આ દરમિયાન તેના સાથે જોડાયેલા આવા સમાચાર સામે આવ્યા, જેના કારણે તેના ફેન્સ નિરાશ થયા છે. સૂર્યકુમાર યાદવ દુલીપ ટ્રોફી પહેલા ઈજાગ્રસ્ત થયો હતો. બુચી બાબુ ટૂર્નામેન્ટમાં તમિલનાડુ ક્રિકેટ એસોસિએશન XI સામેની મેચમાં ફિલ્ડિંગ કરતી વખતે તેને આ ઈજા થઈ હતી. આ ઈજા કેટલી ગંભીર છે અને તે દુલીપ ટ્રોફીમાં ભાગ લઈ શકશે કે નહીં તે અંગે હજુ વધુ માહિતી પ્રાપ્ત થઈ નથી.મુંબઈ માટે આ મેચ કંઈ ખાસ ન હતી અને તમિલનાડુના 379 રનના જવાબમાં તે તેની પ્રથમ ઇનિંગમાં 156 રનમાં સમેટાઈ ગઈ હતી. આ ઇનિંગમાં સૂર્યકુમારે 38 બોલમાં 30 રન બનાવ્યા હતા. તમિલનાડુએ તેના બીજા દાવમાં 286 રન બનાવ્યા અને મુંબઈને 510 રનનો ટાર્ગેટ આપ્યો.સૂર્યકુમાર માટે ભારતીય ટેસ્ટ ટીમમાં પુનરાગમન કરવા માટે બુચી બાબુ અને દુલીપ ટ્રોફી બંને ટૂર્નામેન્ટ ખૂબ જ મહત્વપૂર્ણ છે. સૂર્યકુમારે ભારત માટે તેની એકમાત્ર ટેસ્ટ ફેબ્રુઆરી 2023માં ઓસ્ટ્રેલિયા સામે નાગપુરમાં રમી હતી, જેમાં તેણે આઠ રન બનાવ્યા હતા. ભારતે આ મેચ એક ઇનિંગ્સ અને 132 રને જીતી લીધી હતી.આ પહેલા કોઈમ્બતુરમાં સૂર્યકુમારે મુંબઈના ટ્રેનિંગ સેશન બાદ કહ્યું હતું કે, "ઘણા લોકોએ પોતાનું સ્થાન બનાવવા માટે સખત મહેનત કરી છે અને હું પણ આ સ્થાન ફરીથી મેળવવા માંગુ છું. મેં ભારત માટે ટેસ્ટમાં ડેબ્યૂ કર્યું હતું, આ પછી મને ઈજા પણ થઈ હતી. ઘણા લોકો તકો મળી અને સારું કર્યું."