<img height="1" width="1" style="display:none" src="https://www.facebook.com/tr?id=1793108690839422&ev=PageView&noscript=1" />
News of Wednesday, 4th September 2024

પોતાના ડેબ્‍યુમાં મેડલ જીતવાની સિધ્‍ધિ મેળવી

પેરાલિમ્‍પિકસ : બ્રોન્‍ઝ જીતનાર દીપ્‍તિના માતા-પિતાને લોકો અનાથશ્રમ મોકલવાનું કહેતા'તા

નવી દિલ્‍હી તા. ૪ : ભારતીય દોડવીર દીપ્તિ જીવનજીએ પેરિસ પેરાલિમ્‍પિક્‍સ ૨૦૨૪માં અજાયબીઓ કરી હતી. તેણે મહિલાઓની ૪૦૦ મીટર ટી૨૦ એથ્‍લેટિક્‍સ ઈવેન્‍ટમાં બ્રોન્‍ઝ મેડલ જીત્‍યો હતો. તેણીએ ફાઇનલમાં ૫૫.૮૨ સેકન્‍ડનો સમય લીધો અને ત્રીજા સ્‍થાને રહી.

ᅠ દીપ્તિએ ૦.૧૬૪ સેકન્‍ડના સમય સાથે શાનદાર શરૂઆત કરી હતી પરંતુ તે મોમેન્‍ટમ જાળવી શકી નહોતી. તેણે છેલ્લી ક્ષણે દોડીને સિલ્‍વર તરફ જવાનો પ્રયાસ કર્યો. જો કે, તુર્કિયેનો વર્લ્‍ડ રેકોર્ડ ધારક એસેલ ઓન્‍ડર પાછળથી આવ્‍યો અને દીપ્તિને પાછળ છોડી દીધો. આવી સ્‍થિતિમાં દીપ્તિને બ્રોન્‍ઝથી સંતોષ માનવો પડ્‍યો હતો. યુક્રેનની યુલિયા શુલ્‍યારે (૫૫.૧૬) ગોલ્‍ડ અને ઓન્‍ડર (૫૫.૨૩)એ સિલ્‍વર જીત્‍યો હતો. પેરા એશિયન ગેમ્‍સ અને વર્લ્‍ડ ચેમ્‍પિયનશિપમાં ગોલ્‍ડ મેડલ જીતનારી દીપ્તિ શુલિયાર કરતાં માત્ર ૦.૬૬ સેકન્‍ડ પાછળ હતી.ᅠ

દીપ્તિના માતા-પિતા મજૂર હતા અને જીવન જીવવા માટે તેમને અડધો એકર ખેતીની જમીન વેચવી પડી હતી. દીપ્તિની બૌદ્ધિક નબળાઈની શરૂઆતમાં ખૂબ મજાક ઉડાવવામાં આવી હતી. કેટલાક લોકોએ તેને અનાથાશ્રમમાં મોકલવાનું સૂચન પણ કર્યું હતું. જો કે, દીપ્તિના માતા-પિતા હંમેશા તેની સાથે ઉભા રહ્યા અને તેમની પુત્રીની સફળતામાં મહત્‍વપૂર્ણ ભૂમિકા ભજવી. દીપ્તિએ પોતાના પેરાલિમ્‍પિક ડેબ્‍યૂમાં મેડલ જીતવાની સિદ્ધિ મેળવી છે.

(4:16 PM IST)