ટીમ ઈન્ડિયાના સ્ટાર બેટ્સમેન સંજુ સેમસને શાનદાર સદી ફટકારીને પોતાની વિસ્ફોટક બેટિંગથી બાંગ્લાદેશને ધ્વસ્ત કરી નાખ્યું છે. હૈદરાબાદમાં બાંગ્લાદેશ સામેની T20 શ્રેણીની ત્રીજી અને છેલ્લી મેચમાં સંજુ સેમસને તેની T20 કારકિર્દીની સર્વશ્રેષ્ઠ ઇનિંગ રમી અને માત્ર 40 બોલમાં સદી ફટકારી. હતી

  ભારત અને બાંગ્લાદેશ વચ્ચેની મેચમાં સંજુ સેમસને આ ઇનિંગ દરમિયાન માત્ર 22 બોલમાં તેની અડધી સદી પૂરી કરી, જે બાંગ્લાદેશ સામે ભારતની સૌથી ઝડપી અડધી સદી હતી. સંજુ ફરી અહી ન અટક્યો અને બાંગ્લાદેશ સામે ટી20 સદી ફટકારનાર ભારતનો પ્રથમ બેટ્સમેન બન્યો હતો .

 આ સાથે તેણે T20 ઈન્ટરનેશનલમાં ભારત માટે બીજી સૌથી ઝડપી સદી ફટકારી. આ ઇનિંગ દરમિયાન સંજુએ બાંગ્લાદેશી સ્પિનર રિશાદ હુસૈનને સૌથી વધુ ફટકાર્યો અને એક જ ઓવરમાં સતત 5 સિક્સર ફટકારી. હૈદરાબાદમાં સીરિઝની છેલ્લી T20 મેચમાં ટીમ ઈન્ડિયા પ્રથમ બેટિંગ કરવા આવી અને સંજુ સેમસને તેનો ભરપૂર ફાયદો ઉઠાવ્યો.

સિરીઝની પહેલી અને બીજી મેચમાં મોટી ઇનિંગ્સ રમવામાં નિષ્ફળ ગયેલા સંજુએ ત્રીજી મેચમાં સ્કોર સરખો કર્યો અને એવા સિક્સર અને ફોર ફટકાર્યા જેને જોઈને રાજીવ ગાંધી સ્ટેડિયમમાં બેઠેલા દર્શકો પણ ચોંકી ગયા, જ્યારે મેદાન પર હાજર બાંગ્લાદેશી ખેલાડીઓ અને ડગઆઉટમાં બેઠેલા તેમના કોચ ખૂબ જ પરેશાન દેખાઈ રહ્યા હતા.

સેમસને ઇનિંગની બીજી ઓવરમાં જ તસ્કીન અહેમદ સામે સતત 4 ચોગ્ગા ફટકાર્યા હતા. ત્યાર બાદ સાતમી ઓવરમાં રિશાદ હુસૈને 3 બોલમાં 2 ચોગ્ગા અને 1 છગ્ગા ફટકારીને પોતાની અડધી સદી પૂરી કરી હતી. તેણે આ ફિફ્ટી માત્ર 22 બોલમાં પૂરી કરી, જે બાંગ્લાદેશ સામે આ ફોર્મેટમાં ભારત તરફથી સૌથી ઝડપી અડધી સદી છે. આ પછી સંજુ વધુ ખતરનાક બની ગયો અને રિશાદ હુસૈન ફરીથી તેનો નિશાન બન્યો. રિશાદ 10મી ઓવરના પ્રથમ બોલ પર ચુકી ગયા બાદ સંજુએ સતત 5 બોલમાં 5 છગ્ગા ફટકારીને હલચલ મચાવી હતી. ટૂંક સમયમાં જ સંજુએ તેની T20 ઈન્ટરનેશનલ કારકિર્દીની પ્રથમ સદી માત્ર 40 બોલમાં પૂરી કરી.