મુંબઈ :એઆર રહેમાનના છૂટાછેડા પછી વિરાટ કોહલીની એક પોસ્ટે લોકોને ડરાવી દીધા. તેમણે સોશિયલ મીડિયા પર કંઈક એવું શેર કર્યું કે લોકોને અચાનક લાગ્યું કે તે અનુષ્કા શર્માથી છૂટાછેડા લઈ રહ્યા છે. ઘણા લોકો લખી રહ્યા છે કે આ પ્રકારના ફોર્મેટમાં પોસ્ટ કરવાનું બંધ કરી દો. તેનો કોન્ટેન્ટ પણ ધબકારા વધારી નાખે છે. ઘણીવાર સુધી સમજ નથી આવતું કે વિરાટે શેના વિશે લખ્યું છે. કેટલાક લોકોને એવું પણ લાગ્યું કે આ તેમની નિવૃત્તિની જાહેરાત છે.

   વિરાટ કોહલીએ બ્રાન્ડ એન્ડોર્સમેન્ટની પોસ્ટ એવી રીતે કરી છે કે તેમના ચાહકોના થોડીક સેકન્ડ માટે ધબકારા વધી ગયા. આ પોસ્ટ ફેશન બ્રાન્ડ Wrogn માટે હતી. વિરાટની પોસ્ટ વ્હાઈટ બેકગ્રાઉન્ડવાળા ફોર્મેટમાં છે. આ પોસ્ટમાં વિરાટ કોહલીએ લખ્યું છે, 'પાછળ ફરીને જોઉં છું તો અમે હંમેશા અલગ રહ્યા છીએ. લોકો અમને કોઈ પણ ખાંચામાં ફીટ કરવાનો પ્રયાસ કરે, પરંતુ અમે નથી થયા. બે મિસફિટ લોકો, જે એકબીજાને ફાવી ગયા. અમે સમય સાથે બદલાયા પરંતુ વસ્તુઓ હંમેશા પોતાની રીતે કરી. શું સાચે? અમે પરવા ન કરી. અમે એ શોધવામાં વ્યસ્ત રહ્યા કે અમે કોણ છીએ. દસ વર્ષના ઉતાર-ચઢાવ અને રોગચાળો પણ અમને હલાવી શક્યો નહીં. જો કોઈએ અમને અલગ હોવાનો અનુભવ કરાવ્યો તો એ હતી અમારી તાકાત. તો અમારા દસ વર્ષ વસ્તુઓને અમારી રીતે કરવા માટે - The Wrogn way. આગાળ આવનારા દસ વર્ષ સુધી યોગ્ય પ્રકારના પુરુષ માટે Wrogn.'

   વિરાટની આ પોસ્ટ પર ઘણી કોમેન્ટ્સ આવી રહી છે. એકે લખ્યું છે, હેપ્પી રિટાયરમેન્ટ અન્ના. બીજાએ લખ્યું, રિટાયર થઈ ગયા કે શું? એક કોમેન્ટ છે - મીની હાર્ટ એટેક. એક કોમેન્ટ છે - મને લાગ્યું કે એઆર રહેમાન જેવું કંઈક છે. એક ફોલોવરે લખ્યું કે, એવું ફોર્મેટ કેમ છે જેના પર લોકો છૂટાછેડાની જાહેરાત કરે છે. એક ચાહકે લખ્યું છે કે, એટલું મારીશ ને, આ ફોર્મેટ વાપરવાનું બંધ કરી દો. વિરાટની આ પોસ્ટ પર ઘણા લોકોએ લખ્યું છે કે આવા ફોર્મેટનો ઉપયોગ ન કરો. એકે લખ્યું - મેં 5 અલગ-અલગ સિનારિયો વિચારી નાખ્યા, ભાઈ નોર્મલ પોસ્ટ કરો.