દુબઈ : ધાંસુ વિકેટકીપર બેટ્સમેન કેએલ રાહુલને IPL 2025ની હરાજીમાં કરોડો રૂપિયા મળ્યા છે. રાહુલની મૂળ કિંમત 2 કરોડ રૂપિયા હતી. પરંતુ હવે દિલ્હી કેપિટલ્સે તેને 14 કરોડ રૂપિયામાં પોતાની ટીમનો ભાગ બનાવ્યો છે. રાહુલ LSG ટીમનો ભાગ હતો. તેણે 2022 થી 2024 સુધી એલએસજીની કેપ્ટનશીપ કરી. પરંતુ તેને LSG દ્વારા IPL 2025 માટે રિલીઝ કરવામાં આવ્યો હતો.

IPL 2025ની મેગા ઓક્શનમાં KL રાહુલને 3 કરોડ રૂપિયાનું નુકસાન થયું છે. રાહુલને IPL 2024માં LSG તરફથી 17 કરોડ રૂપિયા મળતા હતા. પરંતુ આ વખતે મેગા ઓક્શનમાં તેને માત્ર 14 કરોડ રૂપિયા જ મળી શક્યા. આઈપીએલ 2025ની હરાજીમાં રાહુલે તેની બેઝ પ્રાઈસ 2 કરોડ રૂપિયા રાખી હતી. દિલ્હી કેપિટલ્સે કેએલ રાહુલને પોતાની સાથે જોડ્યો છે

કેએલ રાહુલ કીપિંગ, બેટિંગ અને કેપ્ટનશિપ માટે સારો વિકલ્પ છે. આવી સ્થિતિમાં દિલ્હી કેપિટલ્સનું તેને ખરીદવું એક મોટી વાત માનવામાં આવી રહી છે. કારણ કે માત્ર 14 કરોડમાં તેને વિકેટકીપર બેટ્સમેન મળ્યો અને કદાચ તેનો કેપ્ટન પણ.

કોલકાતા નાઈટ રાઈડર્સે આઈપીએલ 2025ની મેગા ઓક્શનમાં કેએલ રાહુલ માટે બોલી લગાવવાની શરૂઆત કરી હતી. પરંતુ ટૂંક સમયમાં જ આરસીબીએ તેમાં પ્રવેશ કર્યો અને થોડી જ વારમાં બિડ રૂ. 6 કરોડને પાર કરી ગઈ. આ દરમિયાન KKRએ રાહુલ પર 10.50 કરોડ રૂપિયાની બોલી લગાવીને રેસને વધુ મજેદાર બનાવી. દિલ્હી કેપિટલ્સે KKR દ્વારા 11.50 કરોડની બિડ કરી હતી. CSKએ પણ રૂ. 12.25 કરોડ સાથે રાહુલ માટે બિડિંગમાં પ્રવેશ કર્યો હતો. પરંતુ, અંતે જીત દિલ્હીના નામે રહી, જેણે રાહુલને 14 કરોડ રૂપિયામાં ખરીદ્યો.

કેએલ રાહુલ IPLના સૌથી સફળ બેટ્સમેનોમાંના એક છે. કેએલ રાહુલ આઈપીએલ 2022થી લખનૌ સુપર જાયન્ટ્સ ટીમ સાથે સંકળાયેલો હતો. પરંતુ તે ટીમને એક વખત પણ ખિતાબ જીતવામાં મદદ કરવામાં સફળ રહ્યો ન હતો, જેના કારણે લખનૌની ટીમે તેની સાથે અલગ થવાનો નિર્ણય કર્યો. તમને જણાવી દઈએ કે, કેએલ રાહુલે વર્ષ 2013માં IPLમાં ડેબ્યૂ કર્યું હતું. અત્યાર સુધી તેણે IPLમાં 132 મેચ રમી છે અને 4,683 રન બનાવ્યા છે. IPLમાં તેના નામે 4 સદી અને 37 અડધી સદી છે. આ સિવાય રાહુલે 6 સિઝનમાં 500થી વધુ રન પણ બનાવ્યા છે. ગત સિઝનમાં પણ તે 520 રન બનાવવામાં સફળ રહ્યો હતો.

વાસ્તવમાં, છેલ્લી સિઝનમાં, લખનૌ ફ્રેન્ચાઇઝીના માલિક સંજીવ ગોયન્કા અને રાહુલ વચ્ચે કેટલીક અણબનાવ હતી. સનરાઇઝર્સ હૈદરાબાદ સામેની મેચમાં કેએલ રાહુલની ટીમને 10 વિકેટથી હારનો સામનો કરવો પડ્યો હતો. આ પછી સંજીવ ગોયન્કા લાંબા સમય સુધી ટીમ ડગઆઉટ પાસે કેપ્ટન કેએલ રાહુલ સાથે ગુસ્સામાં વાત કરતા જોવા મળ્યા હતા. સંજીવ ગોએન્કાના આ વર્તનની ઘણી ટીકા થઈ હતી. આ પછી સંજીવ ગોએન્કાએ કેએલ રાહુલ માટે ડિનરનું આયોજન કર્યું હતું.