નવી દિલ્હી: એક અભૂતપૂર્વ પગલામાં, BCCI એ ટીમમાં "શિસ્ત, એકતા અને સકારાત્મક વાતાવરણ" ને પ્રોત્સાહન આપવા માટે 10-મુદ્દાની માર્ગદર્શિકા દસ્તાવેજબહાર પાડ્યો છે. જો આનું પાલન નહીં થાય, તો BCCI ફક્ત શિસ્તભંગની કાર્યવાહી જ નહીં કરી શકે, પરંતુ તેમનો સેન્ટ્રલ કોન્ટ્રાક્ટ પણ રદ કરી શકે છે અને તેમને IPL અને સ્થાનિક ક્રિકેટ રમવા પર પ્રતિબંધ પણ લગાવી શકે છે.'ટીમ ઈન્ડિયા માટે નીતિ દસ્તાવેજ' નામનો આ દસ્તાવેજ ગુરુવારે ખેલાડીઓને મોકલવામાં આવ્યો હતો, જેમાં ગયા અઠવાડિયે યોજાયેલી સમીક્ષા બેઠકની સલાહનો સમાવેશ થાય છે. આ બેઠક ન્યુઝીલેન્ડ શ્રેણી અને બોર્ડર-ગાવસ્કર ટ્રોફીમાં કારમી હાર બાદ બોલાવવામાં આવી હતી, જેમાં ટીમના મુખ્ય કોચ ગૌતમ ગંભીર, ટેસ્ટ અને વનડે કેપ્ટન રોહિત શર્મા, મુખ્ય પસંદગીકાર અજિત અગરકર અને બીસીસીઆઈના નવા સચિવ દેવજીત સૈકિયાએ પણ ભાગ લીધો હતો. ખેલાડીઓ પ્રવાસ, મેચ અને પ્રેક્ટિસ માટે અલગથી મુસાફરી કરી શકશે નહીં.