નવી દિલ્હી: બુધવારે અમદાવાદના નરેન્દ્ર મોદી સ્ટેડિયમ ખાતે રમાયેલી મેચમાં ભારતે ઈંગ્લેન્ડને ૧૪૨ રનથી હરાવીને ત્રણ મેચની વનડે શ્રેણી ૩-૦થી જીતી લીધી હતી.
ટોસ હાર્યા બાદ, ભારતે પ્રથમ બેટિંગ કરી અને 356 રનનો વિશાળ સ્કોર બનાવ્યો. ઓપનર શુભમન ગિલે ૧૦૨ બોલમાં ૧૧૨ રનની શાનદાર ઇનિંગ રમી. શ્રેયસ ઐય્યર (78) અને વિરાટ કોહલી (52) એ પણ અડધી સદી ફટકારી.લક્ષ્યનો પીછો કરતી વખતે ઈંગ્લેન્ડની ટીમે સારી શરૂઆત કરી હતી. ફિલ સોલ્ટ અને બેન ડકેટે પ્રથમ વિકેટ માટે 6.2 ઓવરમાં 60 રન ઉમેર્યા. મેચની સાતમી ઓવરમાં ડકેટ (34) ને આઉટ કરીને અર્શદીપ સિંહે ભાગીદારી તોડી. તેણે નવમી ઓવરમાં સોલ્ટ (23) ને પણ આઉટ કર્યો. આ પછી, ઇંગ્લેન્ડની વિકેટો નિયમિત અંતરાલે પડતી રહી અને આખી ટીમ 34.2 ઓવરમાં 214 રનમાં આઉટ થઈ ગઈ.ઈંગ્લેન્ડ તરફથી ટોમ બેન્ટને ૩૮, જો રૂટે ૨૪ અને હેરી બ્રુકે ૧૯ રન બનાવ્યા હતા. નીચલા ક્રમમાં, ગુસ એટકિન્સને 19 બોલમાં 38 રનની ઝડપી ઇનિંગ રમી. જોકે, આમાંથી કોઈ પણ બેટ્સમેન મોટો સ્કોર કરી શક્યો નહીં.ભારતના તમામ છ બોલરોએ વિકેટ મેળવી. અર્શદીપ, હર્ષત રાણા, અક્ષર પટેલ અને હાર્દિક પંડ્યાએ બે-બે વિકેટ લીધી. વોશિંગ્ટન સુંદર અને કુલદીપ યાદવે પણ એક-એક વિકેટ લીધી.