નવી દિલ્હી: બહુપ્રતિક્ષિત ઇન્ટરનેશનલ માસ્ટર્સ લીગ (IML) શનિવારથી નવી મુંબઈના આઇકોનિક ડીવાય પાટિલ સ્ટેડિયમ ખાતે શરૂ થવાની છે, જેમાં સચિન તેંડુલકરની આગેવાની હેઠળની ઇન્ડિયા માસ્ટર્સ કુમાર સંગાકારાના શ્રીલંકા માસ્ટર્સ સામે ટકરાશે. આ મેચ સાંજે 7.30 કલાકે શરૂ થશે. ઈન્ટરનેશનલ માસ્ટર્સ લીગની શરૂઆતની આવૃત્તિમાં ક્રિકેટ જગતના ઘણા મહાનુભાવો રમી રહ્યા છે, જેમાં ભારત રત્ન સચિન તેંડુલકર, વેસ્ટ ઈન્ડિઝના દિગ્ગજ બ્રાયન લારા અને ક્રિસ ગેલ, શ્રીલંકાના ભૂતપૂર્વ સુકાની કુમાર સંગાકારા, દક્ષિણ આફ્રિકાના જેક્સ કાલિસ અને જોન્ટી રોડ્સ, ઈંગ્લેન્ડના વર્લ્ડ કપ વિજેતા કેપ્ટન ઈયોન મોર્ગન અને ઓસ્ટ્રેલિયાના અન્ય મહાન ક્રિકેટરોનો સમાવેશ થાય છે.