ભારત અને પાકિસ્તાન વચ્ચે ચેમ્પિયન્સ ટ્રોફીની મેચ દુબઈ ઈન્ટરનેશનલ સ્ટેડિયમમાં રમાઈ રહી છે. આ મેચમાં પાકિસ્તાનના બેટ્સમેનો કંઈ ખાસ કરી શક્યા ન હતા. તે જ સમયે, ટીમ ઈન્ડિયાના બોલરોએ શાનદાર પ્રદર્શન કર્યું હતું. આ દરમિયાન હાર્દિક પંડ્યાની સૌથી વધુ ચર્ચા થઈ હતી.

  મેચમાં હાર્દિક પંડ્યાની રમત ચર્ચાનો વિષય બની રહી છે. ત્યારે મેદાનની બહાર પણ હાર્દિકની ચર્ચા થઈ રહી છે. બ્રિટિશ સિંગર અને ટેલિવિઝન વ્યક્તિત્વ જાસ્મીન વાલિયા સ્ટેન્ડમાં જોવા મળી હતી. અફવા છે કે તે હાર્દિક પંડ્યાની ગર્લફ્રેન્ડ છે. તે અક્ષર પટેલની પત્ની સાથે આ મેચ જોઈ રહી હતી.
જાસ્મીન વાલિયા ભારતીય મૂળની બ્રિટિશ ગાયિકા અને ટેલિવિઝન વ્યક્તિત્વ છે. તે જેક નાઈટ સાથે મળીને બનાવેલા પોતાના હિટ ટ્રેક "બોમ ડિગી"થી ફેમસ થઈ હતી. આ ગીતે ભારતમાં ખૂબ જ લોકપ્રિયતા મેળવી હતી અને કાર્તિક આર્યન અભિનીત બોલિવૂડ ફિલ્મ 'સોનુ કે ટીટુ કી સ્વીટી'માં પણ દર્શાવવામાં આવ્યું હતું.