તા. ૧૨ નવેમ્બર ર૦ર૬ વિક્રમ સંવત ર૦૮૩ કારતક સુદ – ૩ ગુરૂવાર
ભારતે પાકિસ્તાનને હરાવતાં જ સોશિયલ મીડિયા પર આવ્યું મીમ્સનું ઘોડાપૂર
દુંબઇ તા.૨૪: ભારત-પાકિસ્તાનના મહામુકાબલામાં ટીમ ઈન્ડિયાએ ફરી એક વખત બાજી મારી હતી. રોહિત શર્માની કેપ્ટનશિપમાં ટીમ ઈન્ડિયાએ પાકિસ્તાનને છ વિકેટથી ધૂળ ચટાવીને ચેમ્પિયન્સ ટ્રોફીની સેમીફાઇનલમાં સ્થાન નિﾍતિ કર્યું હતું. મેચ દરમિયાન કોહલીએ શાનદાર સદી ફટકારી હતી. જે બદલ તેને પ્લેયર ઓફ ધ મેચનો અવોર્ડ આપવામાં આવ્યો હતો. ભારતે ૨૪૨ રનનો લક્ષ્યાંક ૪૨.૩ ઓવરમાં ૨૪૪/૪ના સ્કોર સાથે હાંસલ કરીને ૨૯ વર્ષે પહેલી વાર આઇસીસી ટૂર્નામેન્ટનું યજમાનપદ મેળવનાર પાકિસ્તાનને સ્પર્ધાથી લગભગ બહાર કરી દીધું હતું. ભારતે ૨૦૧૭ની ગઈ ચેમ્પિયન્સ ટ્રોફીની ફાઇનલમાં થયેલી હારનો પાકિસ્તાન સામે બદલો લઈ લીધો હતો. ભારત મેચ જીત્યા બાદ સોશિયલ મીડિયા પર મીમ્સનું ઘોડાપૂર આવ્યું હતું. સોશિયલ મીડિયા યૂઝર્સે અનેક પ્રકારના મીમ્સ વાઇરલ કરીને મજા માણી હતી. ટોસ જીત્યા બાદ પાકિસ્તાને બેટિંગ પસંદ કરી હતી, પરંતુ ભારતે ૨૪૧ રન સુધી મર્યાદીત રાખ્યું હતું. પાકિસ્તાન તરફથી શકીલે સર્વાધીક ૬૨ રન બનાવ્યા હતા. રિઝવારને ૪૬ રન અને ખુશદીલે ૩૮ રનનું યોગદાન આપ્યું હતું. ભારત તરફથી કુલદીપ યાદવે ૪૯ રનમાં ૩ વિકેટ ઝડપી હતી. હાર્દિક પંડ્યાએ ૩૧ રનમાં ૨ વિકેટ, હર્ષલ રાણાએ ૩૦ રનમાં ૧ વિકેટ, અક્ષર પટેલે ૪૯ રનમાં ૧ વિકેટ અને રવિન્દ્ર જાડેજાએ ૪૦ રનમાં ૧ વિકેટ લીધી હતી.
(3:11 PM IST)
છેલ્લા 8 દિવસમાં સૌથી લોકપ્રિય 
