તા. ૧૨ નવેમ્બર ર૦ર૬ વિક્રમ સંવત ર૦૮૩ કારતક સુદ – ૩ ગુરૂવાર
ઋષભ પંતની બહેનના લગ્નમાં ધોનીની ધમાલ અને રૈનાનો ડાન્સ
લગ્નના કાર્યક્રમો મસૂરીમાં શરૂ થઈ ગયા
મસૂરી તા.૧૩: મંગળવારે ભારતીય ટીમના અનુભવી કેપ્ટન એમએસ ધોની અને સુરેશ રૈના દિલ ખોલીને નાચતા જોવા મળ્યા. સ્ટાર ભારતીય વિકેટકીપર-બેટ્સમેન ઋષભ પંતની બહેનના લગ્ન સમારંભના વાયરલ થઈ રહેલા એક વીડિયોમાં ધોની અને રૈનાને ડાન્સ કરતા જોઈ શકાય છે. પંતની બહેન સાક્ષી, જેમની ગત વર્ષે સગાઈ થઈ હતી, તે આ અઠવાડિયે લગ્નગ્રંથિથી જોડાશે. લગ્નના કાર્યક્રમો મસૂરીમાં શરૂ થઈ ગયા છે. રવિવારે દુબઈમાં ચેમ્પિયન્સ ટ્રોફી ૨૦૨૫ ની ફાઇનલ જીતનાર ભારતીય ટીમનો ભાગ રહેલા પંત સોમવારે સવારે ભારત પહોંચ્યા અને પરિવારના સભ્યો સાથે ઉજવણી કરવા માટે જોડાયા.
એમએસ ધોની પંત અને તેના પરિવાર સાથે ગાઢ સંબંધ ધરાવે છે. ધોની પંતની બહેનના લગ્નના ફંક્શનમાં હાજરી આપવા માટે દહેરાદૂન પહોંચ્યો હતો. ધોની IPL ૨૦૨૫ માં ચેન્નાઈ સુપર કિંગ્સ તરફથી રમતા જોવા મળશે. પાંચ વખતની ચેમ્પિયન ટીમ ૨૩ માર્ચે ચેન્નાઈના એમએ ચિદમ્બરમ સ્ટેડિયમ ખાતે કટ્ટર હરીફ મુંબઈ ઈન્ડિયન્સ સામે પોતાના અભિયાનની શરૂઆત કરશે. IPL ૨૦૨૫ મેગા ઓક્શન પહેલા ચેન્નાઈ સ્થિત ફ્રેન્ચાઇઝે ભૂતપૂર્વ ભારતીય અને CSK કેપ્ટનને ૪ કરોડ રૂપિયામાં રિટેન કર્યો હતો. ધોનીએ દહેરાદૂનની મુસાફરી કરતા પહેલા અને IPL ૨૦૨૫ ની તૈયારીઓ શરૂ કરતા પહેલા ચેન્નાઈમાં CSK કેમ્પમાં હાજરી આપી હતી. ૪૩ વર્ષીય ક્રિકેટરે છેલ્લે ૧૮ મે, ૨૦૨૪ના રોજ બેંગલુરુમાં આરસીબી સામે સ્પર્ધાત્મક મેચ રમી હતી પરંતુ તે સીએસકેને જીત અપાવવામાં અને પ્લેઓફ માટે ક્વોલિફાય કરવામાં નિષ્ફળ ગયો હતો.
પંત IPL ૨૦૨૫ માં લખનૌ સુપર જાયન્ટ્સનું નેતળત્વ કરવા માટે તૈયાર છે. જાન્યુઆરીમાં, તેમને લખનૌ સ્થિત ફ્રેન્ચાઇઝના નવા કેપ્ટન તરીકે નિયુક્ત કરવામાં આવ્યા હતા. પંત, જેને IPL ૨૦૨૫ મેગા ઓક્શનમાં દિલ્હી કેપિટલ્સ દ્વારા રિટેન કરવામાં આવ્યો ન હતો, તે LSG સાથે ૨૭ કરોડ રૂપિયામાં જોડાયો. તે IPLના ઇતિહાસનો સૌથી મોંઘો ખેલાડી છે. ડાબોડી બેટ્સમેન ૨૪ માર્ચે વિશાખાપટ્ટનમના ડૉ. વાયએસ રાજશેખર રેડ્ડી એસીએ-વીડીસીએ ક્રિકેટ સ્ટેડિયમ ખાતે તેની ભૂતપૂર્વ ટીમ દિલ્હી કેપિટલ્સ સામે એલએસજી માટે તેની પહેલી આઈપીએલ મેચ રમશે.(૩૮.૪)
(10:14 AM IST)
છેલ્લા 8 દિવસમાં સૌથી લોકપ્રિય 
