IPL 2025 માટે સ્ટેજ તૈયાર છે. વિશ્વની સૌથી મોટી ક્રિકેટ લીગની 18મી સીઝન 22 માર્ચથી શરૂ થશે. IPL 2025ની પ્રથમ મેચ કોલકાતા નાઈટ રાઈડર્સ અને રોયલ ચેલેન્જર્સ બેંગ્લોર વચ્ચે રમાશે. આ પહેલા તમામ 10 ટીમોએ પોતાના કેપ્ટનની જાહેરાત કરી છે. શુક્રવારે દિલ્હી કેપિટલ્સે તેની ટીમના કેપ્ટન તરીકે સ્પિન ઓલરાઉન્ડર અક્ષર પટેલની નિમણૂક કરી હતી.

  IPL 2025માં કુલ પાંચ ટીમો નવા કેપ્ટન સાથે પ્રવેશ કરશે. જેમાં દિલ્હી કેપિટલ્સ, લખનૌ સુપર જાયન્ટ્સ, પંજાબ કિંગ્સ, રોયલ ચેલેન્જર્સ બેંગ્લોર અને કોલકાતા નાઈટ રાઈડર્સનો સમાવેશ થાય છે. દિલ્હીએ અક્ષર પટેલને, લખનૌની કમાન ઋષભ પંતને, પંજાબ કિંગ્સે શ્રેયસ અય્યરને, આરસીબીએ રજત પાટીદારને અને કેકેઆરની કમાન અજિંક્ય રહાણેને આપી છે. આવી સ્થિતિમાં હવે જાણી લો IPL 2025માં કોણ સૌથી મોટી ઉંમરનો અને કોણ છે સૌથી યુવા કેપ્ટન. અહીં તમે તમામ 10 ટીમોના કેપ્ટનની ઉંમર પણ જાણી શકશો.

  IPL 2025માં સૌથી વૃદ્ધ કેપ્ટન અજિંક્ય રહાણે છે. રહાણેને KKRની કમાન મળી છે. તેની ઉંમર 36 વર્ષ છે. 18મી સિઝનમાં સૌથી યુવા કેપ્ટન શુભમન ગિલ છે. ગિલ 25 વર્ષનો છે. તે ગુજરાત ટાઇટન્સનો કેપ્ટન છે. IPL 2025માં મોટાભાગના કેપ્ટન 31 વર્ષના છે. અક્ષર પટેલ, પેટ કમિન્સ, રજત પાટીદાર અને હાર્દિક પંડ્યા 31 વર્ષના છે. જ્યારે સંજુ સેમસન અને શ્રેયસ અય્યર 30 વર્ષના છે. ઋષભ પંતની ઉંમર 27 વર્ષ અને રિતુરત ગાયકવાડની ઉંમર 28 વર્ષ છે.

  જુઓ તમામ 10 ટીમોના કેપ્ટનની ઉંમર કેટલી છે 1- દિલ્હી કેપિટલ્સ- અક્ષર પટેલ (31 વર્ષ) 2- સનરાઇઝર્સ હૈદરાબાદ- પેટ કમિન્સ (31 વર્ષ) 3- રોયલ ચેલેન્જર્સ બેંગ્લોર- રજત પાટીદાર (31 વર્ષ) 4- રાજસ્થાન રોયલ્સ- સંજુ સેમસન (30 વર્ષ) 5- પંજાબ કિંગ્સ- શ્રેયસ અય્યર (30 વર્ષ) 6- લખનૌ સુપર જાયન્ટ્સ- ઋષભ પંત (27 વર્ષ) 7- મુંબઈ ઈન્ડિયન્સ- હાર્દિક પંડ્યા (31 વર્ષ) 8- કોલકાતા નાઈટ રાઈડર્સ- અજિંક્ય રહાણે (36 વર્ષ) 9- ગુજરાત ટાઇટન્સ- શુભમન ગિલ (25 વર્ષ) 10- ચેન્નાઈ સુપર કિંગ્સ- રિતુરત ગાયકવાડ (28 વર્ષ)