રોહિત શર્મા મોંઘી કાર: લેમ્બોર્ગિની ઉરુસ (રૂ. ૪.૮ કરોડ) : આઈપીએલ ૨૦૨૫માં મુંબઈ ઈન્ડિયન્સ તરફથી રમી રહેલા રોહિત શર્મા એવા ખેલાડીઓમાં સામેલ છે જેમની પાસે મોંઘી કાર છે. અહેવાલો અનુસાર, તેમની પાસે લેમ્બોર્ગિની ઉરુસ છે, જેની કિંમત રૂ. ૪.૧૮ થી રૂ. ૪.૫૭ કરોડની વચ્ચે છે. તે 4-લિટર ટ્વીન-ટર્બો V8 એન્જિન દ્વારા સંચાલિત છે જે 656.88 bhp અને 850 Nm ટોર્ક ઉત્પન્ન કરે છે, જે કારને માત્ર 3.3 સેકન્ડમાં 0 થી 100 સુધી વેગ આપે છે. આ કારની ટોપ સ્પીડ ૩૦૬ કિલોમીટર પ્રતિ કલાક છે.

રવિન્દ્ર જાડેજા મોંઘી કાર: રોલ્સ રોયસ રેથ (રૂ. 5 કરોડ): ઓલરાઉન્ડર ખેલાડી રવિન્દ્ર જાડેજા પાસે ઘણી કાર છે, જેમાંથી સૌથી મોંઘી રોલ્સ રોયસ રેથ છે, જેની કિંમત લગભગ 5 કરોડ રૂપિયા છે. રેથ 6.6-લિટર ટ્વીન-ટર્બો V12 એન્જિન દ્વારા સંચાલિત છે અને 624 bhp પાવર અને 870 Nm ટોર્ક ઉત્પન્ન કરી શકે છે. તે માત્ર 4.5 સેકન્ડમાં 0 થી 100 સુધી જઈ શકે છે

હાર્દિક પંડ્યા મોંઘી કાર: રોલ્સ રોયસ ફેન્ટમ (રૂ. ૯.૫૦ કરોડ): મુંબઈ ઈન્ડિયન્સના કેપ્ટન હાર્દિક પંડ્યા પાસે સૌથી મોંઘી કાર રોલ્સ રોયસ ફેન્ટમ છે, જેની કિંમત લગભગ ૯.૫૦ કરોડ રૂપિયા (એક્સ-શોરૂમ કિંમત) છે. ભારતીય ક્રિકેટરોમાં તેમની પાસે સૌથી મોંઘી કાર છે.

વિરાટ કોહલી મોંઘી કાર: બેન્ટલી કોન્ટિનેન્ટલ જીટી (રૂ. ૪.૦૪ કરોડ): કોહલી વિશ્વના સૌથી ધનિક ક્રિકેટરોમાંનો એક છે, તેની પાસે સૌથી મોંઘી કાર બેન્ટલી કોન્ટિનેન્ટલ જીટી છે, જેની કિંમત ૪.૪ કરોડ રૂપિયા છે. આ 4-સીટર કૂપ છે, જે 3993 cc થી 5998 cc સુધીના એન્જિન વિકલ્પો સાથે આવે છે. બેન્ટલી ઉપરાંત, કોહલી પાસે Audi R8 LMX, Audi Q8 અને Audi RS 5 જેવી ઘણી લક્ઝરી કાર છે.

કેએલ રાહુલ મોંઘી કાર: એસ્ટન માર્ટિન ડીબી૧૧ (રૂ. ૪.૨ કરોડ): દિલ્હી કેપિટલ્સ તરફથી રમતા કેએલ રાહુલ પાસે સૌથી મોંઘી કાર, એસ્ટન માર્ટિન ડીબી૧૧ છે જેની કિંમત ૪.૨ કરોડ રૂપિયા છે. આ સુંદર કાર 5.2-લિટર ટ્વીન-ટર્બોચાર્જ્ડ V12 મોટર દ્વારા સંચાલિત છે જે 630 bhp પાવર અને 700 Nm ટોર્ક ઉત્પન્ન કરે છે, જે 3.7 સેકન્ડમાં શૂન્યથી 100 કિમી પ્રતિ કલાકની ઝડપે દોડે છે.

 શ્રેયસ ઐયરની માલિકીની સૌથી મોંઘી કાર લેમ્બોર્ગિની હુરાકન ઇવીઓ છે, જેની કિંમત 3.73 કરોડ રૂપિયા છે. એમએસ ધોનીની માલિકીની સૌથી મોંઘી કાર ફેરારી 599 GTO છે જેની કિંમત 3.57 કરોડ રૂપિયા છે. કાર ઉપરાંત, ધોનીને બાઇકનો પણ ખૂબ શોખ છે.

ભારતીય ફાસ્ટ બોલર જસપ્રીત બુમરાહ પાસે સૌથી મોંઘી કાર મર્સિડીઝ મેબેક S560 છે, જેની કિંમત લગભગ 2.11 કરોડ રૂપિયા છે. આ ઉપરાંત, ઋષભ પંત પાસે સૌથી મોંઘી કાર Audi A8 છે, જેની કિંમત 1.3 કરોડ રૂપિયા છે. અક્ષર પટેલની માલિકીની સૌથી મોંઘી કાર લેન્ડ રોવર ડિસ્કવરી છે, જેની કિંમત 99.90 લાખ રૂપિયાથી 1.32 કરોડ રૂપિયાની વચ્ચે છે. શુભમન ગિલની માલિકીની સૌથી મોંઘી કાર રેન્જ રોવર વેલાર છે જેની કિંમત 92 લાખ રૂપિયા છે. ઉપરોક્ત માહિતી કાર લેલો વેબસાઇટ પરથી લેવામાં આવી છે.