<img height="1" width="1" style="display:none" src="https://www.facebook.com/tr?id=1793108690839422&ev=PageView&noscript=1" />
News of Thursday, 8th May 2025

ટેસ્‍ટ ક્રિકેટમાં હિટમેન રોહિત શર્માના નામે ૫ મહા રેકોર્ડ, જેને તોડવા ખૂબ મુશ્‍કેલ!

રોહિત આક્રમક બેટીંગ માટે જાણીતો છે, ૨૦૧૩માં ટેસ્‍ટ ક્રિકેટમાં ડેબ્‍યૂ કરેલું, સાતમી વિકેટ માટે રોહિત અને અશ્‍વિનની ૨૮૦ રનની રેકોર્ડબ્રેક ભાગીદારી

નવી દિલ્‍હીઃ ૭ મેના રોજ, રોહિત શર્માએ એક મોટો નિર્ણય લીધો. તેણે ટેસ્‍ટ ક્રિકેટમાંથી નિવળત્તિ લઈને બધાને ચોંકાવી દીધા. રોહિત શર્મા હવે ઇંગ્‍લેન્‍ડમાં રમાનારી ૫ મેચની ટેસ્‍ટ શ્રેણીનો ભાગ રહેશે નહીં. રોહિતે પોતાના ઇન્‍સ્‍ટાગ્રામ એકાઉન્‍ટ પર એક સ્‍ટોરી શેર કરીને ટેસ્‍ટમાંથી નિવળત્તિની જાહેરાત કરી. આ પહેલા રોહિત શર્માએ ૨૦૨૪માં ટી૨૦ વર્લ્‍ડ કપ જીત્‍યા બાદ ટી૨૦ ફોર્મેટ છોડવાનો નિર્ણય લીધો હતો. રોહિતે ટેસ્‍ટ ક્રિકેટમાં ઘણી મોટી સિદ્ધિઓ હાંસલ કરી છે. ચાલો હિટમેનની સિદ્ધિઓ પર એક નજર કરીએ.

૬ નવેમ્‍બર ૨૦૧૩ ના રોજ, રોહિત શર્માએ ભારત માટે ટેસ્‍ટ ડેબ્‍યૂ કર્યું. તેણે કોલકાતામાં વેસ્‍ટ ઈન્‍ડિઝ સામે શાનદાર રમી અને સદી પણ ફટકારી. આ મેચમાં રોહિતે ૩૦૧ બોલમાં ૧૭૭ રનની ઇનિંગ રમી હતી. પોતાની ઇનિંગ દરમિયાન, હિટમેને ૨૩ ચોગ્‍ગા અને ૧ છગ્‍ગો ફટકાર્યો. તેમની સદીની મદદથી, ભારતે મેચ એક ઇનિંગ્‍સ અને ૫૧ રનથી જીતી લીધી હતી.

જ્‍યારે વિરાટ કોહલીએ કેપ્‍ટનશીપ છોડી દીધી, ત્‍યારે રોહિત શર્માને ટેસ્‍ટ કેપ્‍ટનશીપ મળી. આ દરમિયાન, તેમણે ભારતનું શાનદાર નેતળત્‍વ કર્યું અને ટીમને વર્લ્‍ડ ટેસ્‍ટ ચેમ્‍પિયનશિપ ફાઇનલ ૨૦૨૩ સુધી પહોંચાડી. જોકે, અહીં રોહિત શર્માની આગેવાની હેઠળની ટીમ ઇન્‍ડિયાને ઓસ્‍ટ્રેલિયા સામે હાર માની લેવી પડી.

ટેસ્‍ટ ક્રિકેટમાં દરેક બેટ્‍સમેનનું સ્‍વપ્ન હોય છે કે તે પોતાના દેશ માટે બેવડી સદી ફટકારે. રોહિતે રાંચીમાં દક્ષિણ આફ્રિકા સામે ૨૧૨ રનની શાનદાર ઇનિંગ રમીને ૨૦૧૯નું વર્ષ યાદગાર બનાવ્‍યું. તેણે ૨૫૫ બોલમાં ૨૮ ચોગ્‍ગા અને ૬ છગ્‍ગાની મદદથી ૨૧૨ રન બનાવ્‍યા.

ટેસ્‍ટ ક્રિકેટમાં ભારત માટે સાતમી વિકેટ માટે સૌથી લાંબી ભાગીદારીનો રેકોર્ડ રોહિત શર્માના નામે છે. તેણે આર અશ્વિન સાથે ૨૮૦ રનની ભાગીદારી કરી. રોહિત શર્મા ત્રણેય ફોર્મેટમાં આક્રમક બેટિંગ કરે છે. તેમની ગણતરી એવા થોડા બેટ્‍સમેનોમાં થાય છે જેમણે એક ટેસ્‍ટ મેચની બે ઇનિંગ્‍સમાં સદી ફટકારવાની સિદ્ધિ હાંસલ કરી છે. રોહિતે ૨૦૧૯ માં દક્ષિણ આફ્રિકા સામે ૧૭૬ અને ૧૨૭ રનની શાનદાર ઇનિંગ્‍સ રમી હતી.

(11:55 AM IST)